علق الرئيس عبدالفتاح السيسي على إعلان الدكتور محمد شاكر وزير الكهرباء، إنفاق 1.3 مليار جنيه لعلاج النمو العشوائي تحت كابلات الجهد العالي، قائلا: "البناء العشوائي في الدولة تكلفته أكبر بكتير علينا في تصويبه وإصلاحه، من إننا نعمل تخطيط مستقر ونبنيه بشكل متكامل". وأضاف السيسي خلال افتتاحه مشروعات قومية في محافظة دمياط اليوم: "لو أنشأنا خط كهرباء ضغطه عالي تكون تكلفتها مخالفة لدفنها كابلات أرضية". وواصل الرئيس السيسي متحدثًا عن وزير الكهرباء: "أنا ودكتور شاكر بنتخانق، الدكتور شاكر عاوز 25 و30 مليون جنيه في كيلو متر كابلات الضغط العالي"، ليرد عليه الأخير قائلًا: "وأكتر". وواصل السيسي: "الجهد الموجود يعمل، ولما تبني بيتك تحته، انت مش واخد بالك بتعمل إيه في نفسك وأولادك وفيّا وفي الدولة، لازم أشيل الجهد ده من فوق البيت العشوائي وأعمل كابل أرضي، اللي تكلفته أكبر من ده 10 مرات". وأشار الرئيس إلى أنّ أضرار البناء العشوائي لا تتوقف عند حدود الكهرباء فقط، لكنها تمتد إلى الصرف الصحي والمياه وغيرهما: "لو فيه تخطيط كامل كلنا بنحترمه، نقدر نقول إننا مش هنبقى عاملين كده، إحنا دايما بنلاحق البناء العشوائي لتحجيم الأضرار الناجمة عنه في المياه، الكهرباء، والغاز". ويفتتح الرئيس عبدالفتاح السيسي اليوم، عدد من المشروعات القومية بمحافظة دمياط، بحضور عدد من الوزراء وكبار رجال الدولة، وهما مدينة دمياط للأثاث، ومحطة متعددة الأغراض بميناء دمياط، إضافة لعدد من الوحدات السكنية بمدينة دمياط الجديدة، ومركزا للتعليم المدني، وفندق منطقة اللسان، الذي يعتبر أول فندق 5 نجوم بمنطقة محافظات الدلتا.
