وجه أحمد حسام «ميدو»، نجم الزمالك السابق، رسائل خاصة إلى جماهير النادي الأهلي بعد هجومهم على محمود عبدالرازق «شيكابالا»، قائد الفريق الأول لكرة القدم بنادي الزمالك. وقال «ميدو»، في تصريحات تلفزيونية: «بقول لجماهير الأهلي، انتوا واخدين فكرة غلط عن شيكابالا، شيكابالا إنسان طيب جدًا وجدع جدًا وخير بأهله». وأضاف: «السبب الرئيسي في وقوف شيكابالا، على رجله تاني انه خير بأهله، وفي أزمة النادي الأهلي كان أول واحد يقف مع النادي الأهلي». وتساءل ميدو: «ليه منكبرش النجوم بتوعنا؟ مش بقولك شجع شيكابالا، ولكن ماتشتموش بتشتمه ليه! هتاف جماهير الأهلي ضد شيكابالا، خلال مباراة فاركو، مقصود، لوضع اللاعب تحت ضغط قبل مباراة السوبر، وأنه يفتعل مشكلة في المباراة». وتابع: «أنا بحذر شيكابالا، خاصة بعد إيقاف كهربا، اوعى مهما حصل يكون ليك أي رد فعل في مباراة السوبر بأي شكل من الأشكال مهما كانت النتيجة»