سخر الفنان أحمد آدم، من عدم تركيز الإعلام على الجدوى الاقتصادية للقمح، حيث قال: "مشوفناش الإعلام خالص، رغم أن موضوع القمح ده كنت بتكلم عنه في سر الأرض، ولما زرعنا وحصدناه دلوقت نبقى سكتم بكتم". وأضاف خلال برنامج "بني آدم شو" على قناة "الحياة": "يزعلكم الكلام ده إن الامريكان متسيطرش علينا وإننا نبقى مكفين نفسنا في لقمة عيشنا، ويا سلام بقى على اللي بيقولوا هنعمل اية يعني بالقمح، بصوا هنعمل به بليلة وعاشورة". وتابع قائلا: "احنا فى حرب جامدة وناس بتموت في الشوارع أنا عارف، لكن كفاية تحطيم معنويات عايزين ندي للناس أمل في بكرة، ووعي أكثر وخصوصا أن الناس أصبحت فاضية لدرجة إنهم بقوا بيسالوا عن أشياء غريبة، يعنى سمعت من يومين واحدة اسمها زينب بتسأل في برنامج الشيخ مبروك عطية، وبتحكى له عن اللي عملته بنتها فى طليقها وفى الاخر بتقوله ده حلال ولا حرام، يعنى إحنا مش عارفين نفرق بين الحلال والحرام وإحنا كبار، طيب الشباب يعمل اية ويلاقيها منيين كتائب الكلامجية ولا إيه".