أعدّها لكم: نيرة أحمد النهارده هنعمل مع بعض بطاطس ودجيز ليكي ولأسرتك، وكمان ممكن تقدميها لأطفالك. بطاطس ودجيز المقادير: 3 ثمرة بطاطس 2 ملعقة بيكينج بودر ملعقة صغيرة كركم ملعقة صغيرة شطة ملح وفلفل أسود كوب دقيق الطريقة 1- اغسلي البطاطس كويس وقطعيها على شكل أجنحة، وبعدين حطيها في ميه على النار لمدة 5 دقائق، وبعدين ارفعيها من على النار وسيبيها على جنب. 2- امزجي باقي المكونات مع بعض وممكن تضيفي عليهم نسبة بسيطة من الميه لحد ما الخليط يتجانس مع بعض، وبعد كده ضيفي الخليط على البطاطس وامزجيهم مع بعض كويس بإيديكي. 3- غطي البطاطس وسيبيها على جنب لمدة ساعة، وبعدين ابدأي حمريها في الزيت على النار، وبعدين ارفعيها من على النار وصفيها من الزيت، وقدميها.. وبالهنا والشفا. ملحوظة: ممكن تدخلي البطاطس في الفرن بدل ما تحمريها في الزيت.
خلصت وصفتنا النهارده.. استنونا كل يوم مع وصفات جديدة.. سلام،،