أعدّها لكم: نيرة أحمد النهارده هنعمل مع بعض كرات اللحمة الحارة بالبرتقال ليكي ولعيلتك، ممكن تقدميها مع الرز الأبيض. كرات اللحمة الحارة بالبرتقال المقادير: 1⁄2 كيلو لحمة مفرومة 1⁄2 كوب عصير برتقال 1⁄2 ملعقة صغيرة فلفل أسود 2 ملعقة كبيرة فلفل أحمر ملعقة كبيرة زيت نباتي ملعقة صغيرة ملح 2 فص ثوم مفروم 1⁄2 كوب بقسماط 1⁄4 كوب خل 3 كوب ميه بيضة الطريقة: 1- امزجي اللحمة المفرومة بالفلفل الأسود والملح والثوم والبيضة والبقسماط مع بعض كويس لحد ما يتجانسوا، وبعد كده ابدأي شكّلي الخليط على هيئة كرات. 2- حمّري كرات اللحمة في الزيت على النار لحد ما يبقى لونهم بني فاتح، وبعدين ضيفي عليهم الفلفل الأحمر والبرتقال والخل والميه وقلبيهم مع بعض وسيبيهم على النار لمدة ساعة أو لحد ما الخليط يغلي، وقدميهم.. وبالهنا والشفا.
خلصت وصفتنا النهارده.. استنونا كل يوم مع وصفات جديدة.. سلام،،