أنا جوا منى حمل تقيل وهم كل ما الفرح يقرب الحزن يقوله اتلم والسعادة جاية حايشها عنى الغم لكن أنا نفسى أفرح طول عمرى خايف أجرح لا دورت ولا لفيت ده أنا ماشى جوه الحيط وبيقولوا عنى عبيط ولا غنى ولا صيت يا دموع عن عينى حلى سيبى الضحكة تقولى رح أكون وياك تملى يا فرحة أيامى حلى كفايانى دموع وشجن فرحى بالحيا اندفن ملعون أبوك يا زمن يا سارق لى أفراحى ومصحى لى جراحى وان جيت أضحك شوية يقوم دمعى صاحى ويا ضحكة يا مدمعة اصفى بقى شوية أحزانى فيا مسمعة حتى أيامى اللى جاية ولا تبكى يا ضحكتى وابتسمى يا دموعى ده أنا عايش مستنى للحياة لحظة رجوعى أنا عايش شبه حى جسد بدون روح جسد مليان جروح من كتر وجعه روحه ما قدرت تبوح وفاكرة الفرح جى !!