العار كلمات: أيمن بهجت قمر ألحان: وليد سعد توزيع: عادل عايش غناء: آدم تتر البداية: قولو للي أكل الحرام يخاف بكرا اللي أكله يفسده يابا الغني بالحرام لو شاف ابن الحلال يحسده ناس بتعبي في شكاير مقاسي معاصي وخساير مين باع ضميره دا ماله مهما يستف في ماله ولا يعلي في عماير مصيره مستقصده تبقي الحكاية إذن مش ملو مال ف الخزن مابين اللي بنختاره ودا ع الميزان أتوزن ف ناس عملها أملها وخيرها بتقصده تتر النهاية: إيه اللي يساوي راحة البال غير ستر وصحة ورزق حلال اللي يا ناس عاش من غير ذمه حاله مضايقه منغص عيشته ياللي عملتوا كدة بالذمة هاتخدوا ايه بعد ما كوشتو ما هي مش مستهله الاستئذان وياللي ياللي بتفرط في حلالك مش هتلاقي البركة في مالك خاف ليطلع لك في عيالك ولا تلقاه في تعب جالك وفي الحياة صارت أمثاله الحارة كلمات: إسلام خليل ألحان: هاني فاروق غناء: طارق الشيخ تتر البداية: حارة جوه حارة والدنيا ملطشة أيامها الحلوة راحت وساعات الفرفشة وفي أيامنا الغريبة حياتنا بقت عجيبة وآخر نعكشة آه يا زمان يا مفركشنا ماسبتناش ولا يوم عشنا عمال يوماتي تقرمشنا حتت حتت وتأكل فينا الظلم ع البحري عايشها والراحة عن بالنا حايشها شاغلنا ودماغنا داوشها رايح وجاي تلعب بينا هنعيش ونحلف بحارتنا لو حبيناها وحبتنا وفي حضنها كده لمتنا حنت ما قسيتش علينا عشنا ومشفناش حلاوتها يا خسارة تهنا في زحمتها لكن لو رجعت لحالتها نقدر نسامح بعضينا بره الدنيا كلمات: بهاء الدين محمد غناء: أحمد سعد ألحان: محمد مصطفي تتر البداية: مفكرناش نشوف ولو مره نشوف الدنيا من بره بعين كل اللي هجروها دي ناس شافوا اللي شايفينه وعرفوا اللي احنا عارفينه ولما اتصدموا رفضوها وليه احنا اللي مش بره غرور والا صقورصابره عشان جناحاتها مكسورة بلاها ولا دي غية وليه دا لو احنا علي غيه حمامها راح ومهجورة طيورنا راجعه مش راجعه ده جوعه ما بعدها شابعه حزاني شويه وبعدها هتنسوا يا ريت يا حقيقة مش باينه صحيح الدنيا دي خاينه بتيجي علي اللي بيحسوا تتر النهاية: اللي بره الدنيا بره ولا جوه ما اللي بره واللي جوه هو هو كلنا في حالة لا وعي ومسمينها كفاح وسعي ومغمضين خايفين لبعد الشر يصبنا وعي فاتوها هم للي وصلهم وليه خايفين نحصلهم هروبهم هو إخلاصهم عشان فضلت عقولهم بكر والا اتصابوا بطاعون الفكر وعاشوا بكل إحساسهم قصة حب كلمات: مدحت العدل ألحان: عمرو مصطفي غناء: لؤي تتر البداية: ارجع يا زمان حن يا ماضي أيام الحب ما كان عادي ولا كان الشوق للناس تهمة ولا نظرة عين ولا حنين أزمة ولا عقل الناس خاوي وفاضي.. حن يا مااضي تصور ناس أملها تعيش حبة شجن تدوب ويا حنينها وتعشق الوطن فيه ناس تقول حرام وناس تمسك لجام نسكت ونخاف وندفع من أحلامنا التمن تصور لما عوزنا نقول للظلم لا اتحكم فينا خوفنا ورجعنا وقولنا آه في ناس تقول يا كافر وناس تخلع ضوافر وناس فضلت تعافر وتمسك في الحياة تتر النهاية: أيام شبه الأيام لكن مش هي أوهام وتقول أحلام ووردية اللون بهتان والخوف ألوان حتي الإنسان مبقاش إنسان حوالينا في كل مكان قضبان ونقول ع السجن ده حرية بنفرح فرح عادي ونحزن حزن عادي ليه الحياة رمادي وبجد مش فرحانين يا بكره اظهر وبان وأدي لروحنا الأمان قلوب مشتاقة تفرح عطشانة للحنان. السائرون نياما كلمات جمال بخيت غناء علي الحجار ألحان حمدي عبد الرءوف فدان أرض الغلابة اتباع من غير حساب واللي عاملينها غابة ناسيين يوم الحساب واقف علي باب زمانك مستني في يوم ترقي خايف تنشف غيطانك ويضيع حقك وحقي الظلم هو هو وبيرمي الناس بهوة والحق عايز له هوة تفتح له ألف باب الهجمة المملوكية في العصر النهب مالية عاملين أرضك تكية سرقوا حلم الليالي لكن رغم الآلام عشاقها علي الدوام مكنوش ماشيين نيام ولا اتداروا في حجاب ريش نعام كلمات: إبراهيم عبد الفتاح ألحان: تامر كروان غناء: هدي عمار تتر البداية: ميهمنيش الدنيا مهما تكون غيوم ميهمنيش لو كان في قلبي حب عاش أو كان مفيش اقفل بيبانها في وشي ولا تحبني مش راح أتوه عن نفسي ولا هتهزني إيه يعني عايشة في قصر كل حيطانه باردة دوبت عمري في الندي وملقتش وردة إيه يعني تايهه في غربتي وخطاي شاردة تتر النهاية: يا دنيا دوري وقلبي وحطي وشيلينا ضيعنا عمر في حب بس مكنش لينا لو حلم تاه لسة الحياة قدامي جايه أنسي الجراح ويبان صباح يحضن عينيا لا نقول نصيبنا يا قلبي ولا مكتوب علينا ما نقولش فات ولا ذكريات ولا ليه يا دنيا أحزان مفيش هافرح وأعيش مع كل ثانية والدنيا بكرة يا قلبي تبقي بين إيدينا اختفاء سعيد مهران كلمات: ناصر محمود غناء: أسماء لمنور ألحان: أمير عبد المجيد تتر البداية: نهرب من الحزن فين وهو مين هربان بحر المظالم ليل وكام نهار غرقان غرقت جبال صبرنا يا بحر ليه عطشان تعصرنا وتصرنا ما يصير لنا عنوان جرحك لنا كفي بنقوم ونتكفي واهو صفي كأس الأمل كأس الألم مليان تدبل سنين عمرنا وتفتح الأحزان مبقاش في قلبي براح للصبر ولا معني يا بحر كام شط راح مراسينا بقلوعنا ضعنا في ليلك سنين والحزن رجعنا كل الجروح القديمة لسه بتوجعنا يا مركب الحق هيلا سكة رجوعنا طويلة وملت دموعنا كاسات نشرب من البحر لينا يا فرحتي يا قليلة لا بايدي سيف ولا حيله البحر لو موجه طايش يغرق في بر آمان وقلب الجرح عايش متغلبوش أحزان تتر النهاية: أكبر من كده قلبنا يا جروح يا جمال صبرنا يا حلاوة الروح والا هيجرنا ظلمك لقسا نيجي علي بعضنا نفسي يا ولداه القلب صحيح عبا وشايل ياما طب جريح في زمن مايل يسكت يحتار يهمس ويقول اهو جرح وغار والا عمر يروح عارفاك يا ظالمني ماتتوصاش وانا مهما يطول عمري مابنساش ارميني في عتمه وبحر صخور واحييني في كل نهار علي نور قلب المجاريح مدفيه النوم وفي بحرك مش هيبطل عوم وانا كل ما أطب أشب وأطول ان شالله نسيب لبر وأموت كده حبة عذاب والا عمر يموت مجروح مجروح بس ما أغني علي نفسي وأقول خلينا نعيش والا احنا يا ناس خدنا علي الآن وساعات من غير جرح مانمشيش آه يا ريحه الظلم تعبنا خلاص أنا هامسك علي جرحي ومفيش غير لما تردله في قلبي الروح ولحد ما ريحه الحق تروح اهو جرح كمان والا عمر يروح كليوباترا كلمات: إبراهيم عبد الفتاح الألحان: طاهر مامللي غناء: شيرين وجدي الأرض تشهد انك امرأة العصور يا زهرة فاحت بها كل العطور والموج يغفو كالحنين إذا خطرتي والليل يخجل من بهائك إذا مررتِ وكل هذا السحر في عينيكي يا امرأة وقف التاريخ بين أعوامك من لي بهذا الكون من لغة تصف الجمال وتوقظ الإلهام أما النجوم فمن ضيائك قد بدت وكأنها في مقلتيكِ تحممت مملكة الجبل كلمات: عبد الرحمن الأبنودي ألحان: محمد رحيم غناء: أحمد سعد تتر البداية: دبينا ع الأرض، ومشينا في ملك الله والضحكة من تحتها لابدة عيون الآن يوم فوق ويوم تحت يوم صحبة ويوم غربة تنظر علي اللي معاك بكرة ولا تلقاه والليل طويل البال ولا يعبر حد يجرطف في الموال ويداري لون الورد والراجل الحر ما ئمنش ولا يجول آه لو قضّي ليله بيتونس بحس بكاه أحلي ما في الفرحة.. بتنسي الكبير سنه وأحلي ما في الحزن كل الحكمة تيجي منه وطالعين الجبل زي إللي نازلينه واللي مفارق يهش الغربة كيف عنه؟ والليل طويل البال ولا يعبر حد يجرطف في الموال ويداري مر الورد والراجل الحر في زمانّا ده كيف نلقاه والضحكة من تحتها لابدة عيون الآن تتر النهاية: قطعت قيد يدي وقام القيد طلع تاني همي غشيم دايس علي وردي وريحاني وكل ما بفك القيود ترجع و كل ما بنشّف دموع تطلع والهم لا بيرضي ولا بيشبع واللي بقاسيه ما قادر أقوله بلساني آهين يا دمع العين العين بتلقاك فين تشد فيك وتصب والعين تغير م العين الحب ودانا فين يا أهلي في الآخر والفجر أيجي أطوله وهو يتأخر يضحك عليا في وشي ساعة ما يلقاني وكل ما بنشف دموع تطلع والهم لا بيرضي ولا بيشبع واللي بقاسيه ما قادر أقوله بلساني قطعت قيد يدي وقام القيد طلع تاني همي غشيم دايس علي وردي وريحاني أغلي من حياتي كلمات: أمير طعيمة ألحان وتوزيع: مجدي داود غناء: محمد فؤاد تتر البداية: مشوار وأغلي من حياتي هكمله لو حتي كل الدنيا دي وقفت قصادي واللي عليا في الحياة أنا هعمله ضربة ورا ضربة هعافر وهقوي تاني لو في نار ومرار الطريق همشيه لو في ويل وفي ليل بعذاب راضي بيه و يوم ورا يوم هداري في هموم وأحلم بنهار.. نهار و أنا والحياة ورحلتي ماشي بأغني دانا علشان مركبي يوصل باسمي ده أنا لو افرح يومين ممكن أدفع سنين ويصبرني الحنين طول ما طريقي ماشي طول عمري شايل حملي كله ولا اشتكيت و سايبها علي المولي وعليه رامي تكالي ومبفتكرش فيوم ضعفت ولا بكيت إلا علي لحظة فراق حبيب وغالي تتر النهاية: دوري بينا يا دنيا دوري بينا ليه كده إيدك تقيلة خفي إيدك خفي حقك علينا يا دنيا وسامحينا لكي حاجة خديها واللي لينا هنعديه متلومش عالدنيا مالها وخدها بعبلها دي غدارة زي القطة وبتآكل عيالها خليك لنفسك لتعاكسك وروح واداري كد جنب الحيط وإن بخت في وشك يوم ماتجرش شكلها تعامل مع الدنيا دي كأنها رحلة بشوية أمل وتفاؤل هتروق وتحلي وخلي التكال ع المولي في وقت الشدة معاك تلاقيه والحاجة اللي مستصعبها تلاقيها سهلة قصة حب زهره وأزواجها الخمسة كلمات:حسين مصطفي محرم غناء: جنات ألحان:عمرو إسماعيل توزيع: عمرو إسماعيل تتر البداية: وحقك عليا يا دنيا بجد ما أنا أصلي غلطانة ده عليكي ياما صبرت وكنت قال يعني عشمانه ضايعه ومعاكي تعبت عافرت ده لو كان لغدرك بدري فهمت من طيبتي فيكي قاسيت وضعفت ما أنا عيبي إنسانه ياما عشت فيكي ساكتة وراضيه وتكون نهايتي أتوه واحتار في ناس كتير أيدها في ميه وأنا الوحيدة عايشه في نار طول عمري شقيانه وأخرتها ندمانه وليه يا دنيا جايه عليا اكمني غلبانه أنا كنت فيكي كده بس عايشه وبكره ليه محسبتلوش تايهه معاكي واديني ماشيه وكل حلم مبكملوش تتر النهاية : ماشيه في بحر الحياة بحلم ألاقي الشط وأشوف أرض النجاة من بعد زي الخط من يوم ما خدني بحر الحياة ملقتش مرسي كل حكاياتي تبدأ بفرحة تقلب بكارثة وألا عمري يوم تكملي أنا ليها أي فرصه طول عمري أنا في الدنيا عايشه يا دوب علي الحرف والستر توب وأنا كنت فيه متشعلقه من الطرف لعبت بيا الأيام واللعبة مدروسة ولقيت حياتي أوام صوره ومعكوسة وسنن كتير وأدام كتير في التوهه محبوسة من يوم ما خدتني بحر الحياة ملقتش مرسي بيت الباشا كلمات: أيمن بهجت قمر ألحان: عمار الشريعي غناء: أحمد جمال تتر البداية: عينيها ستر وغطا.. وفي حضنها الكلفتة من يوم ميلاد قلبي راسي علينا العطا بأختار حياتي وحبها مقدر مانا لما شبيت علي الحياة لقيتني فيها أنا مهما شوف منها أو أتكدر وأدعي علي ابني واكره اللي يقول آمين همي وغايتي ومطمعي مانا ابنها لا أنا بدعي ولا بذرتي مخلطه عنيها ستر وغطا عز ماتبقي علاقتي معاها مضطربة تغيب الضحكة لو كشفوها ع الغربان في في ناس عاملة بتحرسها علشان طمعانة تورثها تملي الكحكة في إيدين اليتيم عجبة تترالنهاية: البيت بيت أبونا والغرب يطردونا عايزين يأكلونا عضم بعد اما يمصمصونا ساكتين ومركزين قوي قوي قاعدين ومرقدين قوي قوي الليلة فيها أن أصل اللي معريينا هم اللي كسونا ناس في المقدر طالعة عايزين ياكلوها والعة قال إيه هيقلدونا لا ده إحنا مانتثبتش جامدين مبنتفتفتش ولا بناخد صابونة. أهل كايرو كلمات: أيمن بهجت قمر ألحان: وليد سعد توزيع: عادل عايش غناء: حسين الجسمي عيني علي أهل كايرو لبط ابنها مين يسايروا الكل عامل مثالي ونازلين في بعض يعايروا ياما البدل بتداري سلطة ومحدش داري هنا حرامي قالوا عصامي عامل فيها للشرف محامي هنا فلاتي قال شعاراتي وبالليل هات نفس ياسامي كان اللي بيغلط علي رأسه بطحة بقي النهارده ياعينه ياجبايره عيني عيني ياعيني علي أهل كايرو أنا ليا طلب عندكم والنبي علشاني في حد معاه تليفون دكتور نفساني أصل العيشة دي معلش همبكة كدب مالوش داعي وكله لابس وش المصلح الاجتماعي
