صباح الخير يا نور عمري...صباح الحب لعيونك بنادي عليكي من صغري...انا يا حبيبتي مجنونك وحشتيني وانا كل يوم يلمسني طيفك بالساعات اهو بنسى حبه من الهموم واعيش وياكي الذكريات صباح الخير يا دنيايا أنا بعدك ماليش أحباب وف حضني عشتي جوايا قبل ما يحضنك التراب صباح الخير يا نور عمري...صباح الحب لعيونك بنادي عليكي من صغري...انا يا حبيبتي مجنونك لسه روحك بتحاوطني وتناديني ف كل ليل حتى صورتك نايمه جنبي بتونس حلمي الجميل لسه باقي جوه مني همس صوتك والكلام جوه نني عيوني جايه بتزوريني ف المنام صباح الخير يا نور عمري...صباح الحب لعيونك بنادي عليكي من صغري...انا يا حبيبتي مجنونك انا كل ساعه افتح دولابك اشم ريحتك في الهدوم بمد ايدي اخد فستانك ف حضني وارقص كل يوم أنا نبض قلبي بينطقك ودمع عيني بيواسيكي لو ببكي ده عشان بعشقك ودمعي باعته رساله ليكي صباح الخير يا نور عمري...صباح الحب لعيونك بنادي عليكي من صغري...انا يا حبيبتي مجنونك لو كنتي سامعه ندايا عايزك تعرفي اني بموت واني بصرخ مش هسيبك واقول بحبك بأعلى صوت جاي للتراب يجمعني بيكي يا حبيبتي مش هقدر استنى انا جاي أخدك من ايديكي يجمعنا بيت سوا في الجنه