أنا نفسى أعرف حاجات ضايعة وعندى سؤال مين اللى بيمد داعش بالسلاح والمال ومين وراء الستار في كل الأحوال قاعد يخطط لحرب تدمر الأجيال 00000000000 وهو إيه فكر داعش غير حوار ودمار والامتلاك للسلاح والضرب في إصرار باسم العقيدة يدمر كل شبر عمار وكأن داعش هنا أصبح مغول وتتار 000000000 والشرق والغرب بيحارب بشكل هزيل تنظيم مبرمج على العبودية والتنكيل والهدم والاعتقال والنهب والتقتيل وكأنه عاقل وكل الناس سواه مهابيل 000000000 فيه ناس بترسم خريطة جديدة للأوطان وتعيد لنا بشكل تانى احتلالها زمان وتعلن الحرب باسم العدل والميزان وكأن كل العرب تماثيل في وسط ميدان 0000000000 لكن التاريخ له شهادة وكلكم عارفين إن الوليد والبطل بعده صلاح الدين وناس كتير بعدهم أبطال حروب ميامين وشعب مصر الأصيل أبطاله بالملايين 00000000000 مافيش كلام.. كل شيء محتاج ياناس تفكير كل العرب في اختيارهم من صغير لكبير مطلوب يكونوا جنود ويحطموا التدابير ويعلنوا اتحادهم ضد كل مغير