سكة حديد البلد في كل يوم تصريح والمسئولين كل حبه يقولوا في تلميح تغيير كتير ع الورق وجميل بدون تجريح لكن على الأرض شيء واقع كما المراجيح 000000000 المشكلة في القرار من فوق لكل الناس التزموا بالنص مهما يكون مفيش له أساس الناس بتركب بلاش وماعندهاش إحساس حتى التذاكر تمنها مافيش تجاهه مساس 00000000000 موظفين يشتكوا من مسئولين ساكتين عن كل حاجه غريبة لأنهم عارفين الإيد قصيرة وبيطالبوا ومش لاقيين أي استجابة ولو حتى لسد الدين 00000000000 سكة حديد مصر محتاجة لثورة أكيد تعيد بناء اللي واقع من قديم لجديد لأن فيه اقتصاد محتاج جهود ومزيد من العمل والكفاح وبناء لسكة حديد 0000000-000 الحل مش بالكلام الحل بالأفعال وكل واحد يفكر دون زعل وجدال لأن في صمتكم الحل يبقي محال والمفترض حلمنا يصبح هدف في الحال 0000000000 يامسئولين في البلد الصمت مش حيفيد ولابد نعرف بأن حاجتنا للتجديد ضرورة قبل انهيار لتاريخ طويل ومديد وياريت يا أصحاب قرارنا تسمعوا لفريد