ياسيادة الريس إحنا من زمان عايشين نسمع كلام كل ريس وإحنا مبتسمين ونقول يارب الكلام يطلع نصير ومعين ونشوف حاجات حلوه تطلع بعد صبر سنين 0000000000 وإحنا بنسمع كلامك كل يوم ونقول معقول يكون حلمنا أصبح هدف مأمول ونقول يارب العباد استرها عرض وطول وحقق الأمنيات لشعب كله فحول 0000000000 لكن ياريس بدون تلميح ودون تفسير فيه ناس بتعمل حاجات فارغة بدون تفكير ومفكرين الحكاية كلام خطب ومثير ويحسبوا كل شيء.. ويكتبوا التقارير 0000000000 وإنت سيادتك عارفهم وقلت للسامعين إنتم في قلب القضية وكلكم فاهمين مصر بقت عارفة مين صالح ومين حاقدين وشعبها له إرادة تمثل الملايين 000000000 بس إحنا عايزين نشوف الضرب في المليان لكل من كان يفكر في الوظيفة أمان أو سطوته وقوته تفوز على الغلبان علشان يظل النظام في سطوته كما كان 0000000000 أنا قلت كل اللى عندى وعند كل الناس ونفسى يصبح لثورتنا في مصر أساس هو القانون والعدالة وفطرة الإحساس من أجل شعب الجميع واقف عليه حراس
