شبعنا تطبيل ورقص كفاية مانشيتات وفتحوا عيون عقلكم فكروا بثبات عشنا سنين عمرنا في شوشرة وحركات وكل واحد عامل فيها زعيم ألوفات 0000000000 فيه ناس بترقص وناس في الجبهة وسط النار وناس في وسط الشوارع صاحية ليل ونهار عايشين لأمن البلد وكلهم إصرار على الكفاح ضد كل الخونة والأشرار 0000000000 يارب نفهم بقى الدنيا رايحة لفين في سوريا أو ليبيا أو وسط العراق الزين حتى اليمن أصبحت ساحة لناس تايهين وكأن كل العرب في الدنيا مش عايشين 0000000000 الغرب قاعد بيلعب لعبة الشطار بدون جيوش واحتلال الأرض واستعمار لكن بفرض النفوذ باليورو أو بدولار وسايبنا وسط المعارك زى قط وفار 0000000000 والأمريكان صولجان رايحين هنا وجايين وكل حبة يروحوا شمال وييجوا يمين ويلعبوا بالسياسة لعبة الدارسين لمصير جميع الشعوب وللهدف فاهمين 000000000 زمن الكلام انتهى والمعركة بتشتد ونفسنا ياعرب نمشى بطريق الجد ولو قطعنا طريقنا والخلاء امتد يبقى عليه العوض زمن المغول ارتد