الدكان يا صحاب العقل الواعيين الواكلين الشاربين النايمين الدكّان مش ناقص دين قلب الارفف مليان بتراب من باقي سنين الزانزانه واهي دمانا اندلقت علي الارض و الحلم مخلل في الكراتين معطن فيها و صلاحيته راحت والريحه فاحت الجرح في شكل المش قديم هاجت بطن الجرح وطلعت منه ديدان ماليه الساحه واهي بالراحه قلعت فستان مليان بخطوط حمراء وسوده لبست فستان مليان بخطوط حمراء وسوده وميهمش لو الحيطه انشقت والدكان عمال ينزف طوبه ورا طوبه مادام الحاله نفس الحاله الدكان مليان بزباله وعزيزه فارشه في نفس مكانها واهو يونس مبسوط فرحان صورته ماليه الجرنان ذي الاراجوز يتمحرج في ايد التانين وسايب البالطو مدلوق علي الارض وفوق النار الحلل بتغلي والقطارات بتلعب طقه ذي البلي بتطقش بعض لسه الناس بتموت بعض يا خوفي نصحي والدكان راجع فاضي زي ما كان