قالت سناء سيف، إحدى المعتقلات بقضية أحداث "الاتحادية" والتي تم الإفراج عنهم خلال العفو الرئاسي الذي أصدره الرئيس عبد الفتاح السيسي احتفالًا بعيد الأضحى المبارك: "لو قلت إني مش فرحانة أبقي بحور أنا مخضوضة وفرحانة بس فرحة فيها ذل لأن مع كل تفصيلة بسيطة مش موجودة جوا زي أني بشرب الشاي في كوباية زجاج وأتكلم مع الناس براحتي أو أمسك تليفون بإحساس من الذنب الرهيب". وأضافت سيف في أول تدوينة لها بعد الإفراج عنها عبر صفحتها الشخصية بموقع التواصل الاجتماعي "فيسبوك": "فعلاً كان نفسي أول بوست ميبقاش نكد. مليش في النكد وجو الولولة عادة بتيجي معايا بغضب. بس المرة دي مختلفة". وتابعت "سلوى محرز لسة جوا في السجن سبناها في العنبر لوحدها عشان غلطة إملائية كنا فاكرينها هتتصلح على طول سلوى بقالها 3 أيام (في العيد) مقفول عليها لوحدها وناهد وكالوشة وممدوح وعم مؤمن كمان لسة جوا بس على الأقل مفيش حد منهم قاعد لوحده وموقفهم واضح هيخرجوا بس مسألة وقت. مش زي سلوى متعلقة ومش عارفين. واختتمت قائلة: "بعد ما خرجت اكتشفت بالصدفة إن أنا كمان اسمي اتكتب غلط في الجريدة الرسمية بس عادي خرجت من غير أي حوارات ليه عشان النمرة محتاجة "الناشطة سناء سيف" تولع الإجراءات بس سلوى عادي لو اتركنت كام يوم هتعدي وكل حد طالع بيا السما وجدعة والهري دا أبوس إيديكوا افصلوا: أنا سبت سلوى لوحدها في العنبر وخرجت.