علقت الناشطة السياسية سناء سيف على قرار الرئيس عبد الفتاح السيسي، بالعفو عن 100 سجين من الصادر ضدهم أحكام نهائية بالحبس، بمناسبة عيد الأضحى المبارك، قائلة: " كان نفسي أول بوست ميبقاش نكد، مليش في جو الولولة لأنها عادة بتيجي معايا بغضب، بس المرة دي مختلفة". وأضافت "سيف" عبر صفحتها الشخصية بموقع التواصل الاجتماعي، "فيسبوك"، اليوم الجمعة: "أنا مخضوصة وفرحانة فرحة فيها ذل، لأن مع كل تفصيلة بسيطة مش موجودة جوا زي إني أشرب شاي في كوباية إزاز أو أبص للسما أو أرغي مع الناس براحتي أو أمسك موبايل.. في إحساس بالذنب رهيب". وأشارت "سيف" إلى أنّ صديقتها سلوى ما زالت داخل جدران السجن تقضي أيام العيد في سجن انفرادي، قائلة: "سلوى لسّا جوا سيبناها في العنبر لوحدها عشان غلطة إملائية كنا فاكرينها هتتصلح على طول، بقالها 3 أيام في العيد مقفول عليها لوحدها وأكيد دماغها بتسوحها". وتابعت: "ناهد وكالوشة وممدوح وعم مؤمن كمان لسّا جوا، بس على الأقل مفيش حد منهم قاعد لوحده وموقفهم واضح هيخرجوا بس مسألة وقت، مش زي سلوى متعلّقة ومش عارفين". وأوضحت أنها اكتشفت بعد خروجها أن اسمها كُتب بالخطأ في الجريدة الرسمية، ولكنها مع ذلك خرجت دون مشكلات نظرًا لشهرتها بين النشطاء السياسيين، بينما صديقتها سلوى ظلت محبوسة ضمن الإجراءات والروتين، قائلة: "على فكرة التفرقة دي اللي كسراني.. وكل حد طالع بيا السما أبوس إيديكوا افصلوا: أنا سيبت سلوى لوحدها في العنبر وخرجت".
