رد نصر يحيى، وكيل أعمال أحمد قندوسي، نجم الأهلي والمعار إلى سيراميكا كليوباترا، بشأن مفاوضات الزمالك، وذلك بعد أزمة اللاعب الأخيرة مع القلعة الحمراء. واتخذ الأهلي قرارًا بعرض أحمد قندوسي للبيع وإعادة هيكلة لجنة التعاقدات، بعد تصريحات اللاعب التي قال فيها بأن النادي كان يفرض على اللاعبين وكلاء بعينهم. وقال نصر يحيى عبر قناة «أون تايم سبورتس 1»: «هيظل الاختيار الأول بالنسبة ل أحمد قندوسي هو الأهلي، أنا مش متواصل مع وكلاء كتير في مصر، في وكلاء كلموني على قندوسي عشان الخليج أو أوروبا». وأضاف: «تم إثارة إن أحمد قندوسي قال الكلام ده عشان يطلع من الأهلي ويروح الزمالك أو بيراميدز». وأكمل: «الكلام ده بيتقال قدام الناس كلها، محدش كلمنا على أحمد قندوسي من الزمالك خالص، ولا في بيراميدز، ولو في حد بيقول إن ده حصل يقولي مصدره إيه، وبتجيب الكلام ده منين».
