علق أسامة حسن، نجم نادي الزمالك السابق، على تصريحات الجزائري أحمد القندوسي، لاعب خط وسط الأهلي والمعار لصفوف سيراميكا كليوباترا. كان القندوسي قد أثار الجدل بتصريحات نارية الخميس الماضي، بعدما أكد أن الأهلي يجبر اللاعب الذي سيتعاقد معه على التعامل مع وكلاء بعينهم. وقال أسامة حسن، في تصريحات تلفزيونية عبر فضائية «الشمس»: «أنا بحترم لعيبة شمال أفريقيا أوي زي الشيبي وقندوسي مبيخافوش ومبيكدبوش، المجال عندنا بقى مليان ناس بتحافظ على أكل عيشها بطريقة تانية، ناس كدابة وناس هجاصة وناس بتقول كلام محصلش عشان تحافظ على أكل عيشها». وأضاف: «الناس دي مبتكدبش، قندوسي، الكلام اللي قاله قندوسي عن النادي الأهلي فضيحة». وتابع: «لو حد غير قندوسي، كان هيخاف يتكلم، مفروض تفتح الموضوع على كل الأندية». وأتم: «لما لعيب يطلع بالجرأة دي وميخافش ويتكلم الكل هيتلم وكله هيستخبى، الكلام ده بيحصل في معظم الأندية مش في الأهلي».