شن وائل القباني، نجم الزمالك السابق، هجوم ناري على منتقدي حسام حسن المدير الفني لمنتخب مصر، بسبب تصريحاته الأخيرة أن المنتخبات التي تلاعب مصر قوية. وقال وائل القباني في تصريحات تليفزيونية على شاشة النهار: «كلنا اتفقنا أن مجموعتنا في تصفيات كأس العالم وأمم أفريقيا سهلة، ولكن كابتن حسام حسن بيقول صعبة وده حقه لأن أنا لو مكانه هقول كدة، لأن مش هخلي اللعيبه تستهل المباراة». وأضاف: «مفيش مباراة سهلة عشان اللعيبة هي اللي ممكن تسهل المباراة على نفسها، وأنت لو مكانه هتعمل كدة». وأكمل القباني: «أنا كمدرب مقدرش أقول إنها مباراة سهلة ولا للعيبة ولا للاعبين، والناس اللي بتنتقد حسام حسن مش بتفهم، ولازم الناس تفهم وجهة نظره وخاصة المدربين». واختتم نجم الزمالك السابق تصريحاته قائلًا: «أنا لازلت عند رأيي أن مفيش منتخبات قوية واجهت مصر لحد دلوقتي ومش هنقدر نقيم حسام حسن دلوقتي، لما يحصل ونلاعب منتخب قوي ساعتها نشوف مش نتيجة فقط بل أداء أيضًا».