طال انتظار ألبوم"طعم البيوت" للملك محمد منير، وبعدها قام محبوه بإعلان بشرى على موقعه تقول لكل المنايرة: "أخيراً و بعد طول انتظار، إعلان ألبوم طعم البيوت تم إذاعته على قناة مزيكا ودى بشرى جميلة ان الألبوم خلاص قرب ينزل"، والمفارقة أنه بعد أن بدأ بث الإعلان على قناة مزيكا، فوجئ الكثيرون من محبى منير بتسريب بعض الأغنيات بكلماتها وهى كالتالى: يا أبو الطاقية: يا أبو الطاقية أنا قلبى معاك، تعتب عليا وبترجاك، ومن شباك لتانى شباك، أركض وراك أركض وراك يا أبو الطاقية، آدى الهوى وشاكينا والحب مايل علينا، لو ياحبيبى وانت حبيبى تاخدنى معاك. ساق الوداد: من غير كسوف قلتى أنا عشقاك،أنا بعترف بهواك،ده أنا من زمان عايزاك تبقى حبيب قلبى، مشيت وياكى للآخر، أتارى أولك آخر، عنيكى خدتنى للحلم اللى مبيكملش،كلام خلى أحلامى تشوفنى وأشوفها قدامى، وهمتينى وخلاص مقدرش ما تكلمش. طعم البيوت: طعم الحاجات والساعات ويدوب أوام وأوام يفوت،جوا القلوب والذكريات ميعيش غير طعم البيوت، جدران بتحضن جوا منها قلوب كتير،وأبواب بتقفل على الجناينى والوزير،شباك موارب واقفة من وراه الصبايا،قضوا النهار فى الوقفة أدام المرايا،أسرار كتير،عدد البيوت فى الشارع الطيب يا ناس ميبانش منها غير اللى يطلعله صوت. "طعم البيوت" ليست تجربة شخصية يغنيها منير، إنما تجربة إنسانية وحالة لا ينفذها إلا الكبار،عبد الرحمن الأبنودى وسيد حجاب ومجدى نجيب وعمار الشريعى ووجيه عزيز و طارق عبد الستار و"رومان بونكا"عاشق العود المجنون مع مفاجأة اكتشاف منير الجديد فى التوزيع.
