ومش براجل لأ مية وست بيت ومربّية وكمان وزيرة اقتصادية حزم وصرامة بحنيّة ولما أطش الملوخية تشمها م السعودية ............. مصرية من راسى لرجلى بأصحى من النجمة وبدرى على أكل عيشى أقوم أجرى راضية بأرزاقى وأجري .............. وأحب بس ف بلدى أعيش أقفل عليا قزاز أو شيش ولا أخدشى م العالم بقشيش وحامدة ربى ولو معاييش وإن شالله أكله حاف العيش ............... مصرية وبحب المصري والجدعنة طبعى وأصلي ف الفجر لعيالى أنا بادعي وأقول يا درجاتهم أعلى ................. ف عنيّا أشيله أبو عيالى وعشانه راح أبيع خلخالى وأديله صيغتى وأموالى مدام عليا البيت مالي ................. مصرية جد ومش بهزار ورصيدى من عند وإصرار واضحة ومعنديش أسرار ولا أخافش من ظالم جبار .................... مصرية ومش براجل لأ مية وست بيت ومربيّة بس ما تقولشى وليّة