هنا الزاهد، قالت الفنانة هنا الزاهد: "أنا كنت شاطرة طول عمري في المدرسة بس في آخر سنتين لما زهقت من المذاكرة قررت اقعد مع زمايلي الفاشلين اللي ورا خالص اللي هما مش بتوع مذاكرة ولا في دماغهم دراسة وقتها ارترفدت وأنا في آخر سنة لمدة أسبوع واتعمل ليا استدعاء ولي أمر". عقاب هنا الزاهد بسبب قصة حب وأضافت هنا الزاهد خلال لقائها ببرنامج "صاحبة السعادة" الذي تقدمه الفنانة إسعاد يونس بقناة "دي ام سي":"أمي ضربتني مرة بالقلم في الشارع وكان قلم جامد، وقت الجامعة كنت بدأت في قصة حب وحبيت واحد زميلنا وكان جميل ومؤدب وكنت مكسوفة اقول لماما فكدبت عليها ودي كانت أول مرة اكدب عليها في حياتي".
جلسة هنا الزاهد مع حبيبها فترة الجامعة وأكملت الفنانة هنا الزاهد:"روحت قعدت مع الشخص اللي كنت معجبة بيه في كافيه عبر وسيط اللي هي هند زميلتنا، والشخص ده خدني وصلني بالقرب من مكان أمي كانت منتظراني فيه وأمي وقتها شافتني وكانت نظرة عينيها طالع منها نار ولما سألتنا عن القصة كدبت فضربتني بالقلم وقلت لها كنت مع أدهم يا ماما واتعرفت عليه وكنا قاعدين في كافيه، طلبت رقم تليفونه وكلمته وقالت له لما تحب توصلها تجيبها لحد البيت ومن وقتها بقيت أحكي لماما عن كل حاجة".
أول قصة حب لهنا الزاهد ولفتت الفنانة هنا الزاهد: "أدهم ده كان أول إعجاب وقصة حب فترة الجامعة ومكنش فيه قصص حب تانية قبله".
هنا الزاهد: تعرضت للتنمر بسبب صوتي التخين وتامر حسني شايفني مغنية إطلالة ملائكية ل هنا الزاهد بحفل ختام مهرجان كان (صور) هنا الزاهد: أنا شخصية رومانسية وبحب الحب وأشارت: "أنا رومانسية جدا وبحب الحب أوي، مقدرش اعيش من غير حب لإنه بيخليني مبسوطة وعندي أمل في الحياة، بس أنا مش ملزقة وعندي حتة طفولة وقموصة أوي". ونقدم لكم من خلال موقع (فيتو)، تغطية ورصدًا مستمرًّا على مدار ال 24 ساعة ل أسعار الذهب، أسعار اللحوم ، أسعار الدولار ، أسعار اليورو ، أسعار العملات ، أخبار الرياضة ، أخبار مصر، أخبار اقتصاد ، أخبار المحافظات ، أخبار السياسة، أخبار الحوادث ، ويقوم فريقنا بمتابعة حصرية لجميع الدوريات العالمية مثل الدوري الإنجليزي ، الدوري الإيطالي ، الدوري المصري، دوري أبطال أوروبا ، دوري أبطال أفريقيا ، دوري أبطال آسيا ، والأحداث الهامة و السياسة الخارجية والداخلية بالإضافة للنقل الحصري ل أخبار الفن والعديد من الأنشطة الأدبية والفنية والثقافية.