السيسي، قال الرئيس عبد الفتاح السيسي:"محطات إسالة الغاز توقفت في 2011 بسبب المظاهرات اللي كانت بتحصل في المنطقة دي والأشرار كانوا بيخلوا الناس تعمل مظاهرات والدنيا تقف والمحطة ما تشتغلش والشركة الأجنبية تنسحب ويرفعوا علينا قضية بمليار دولار واحنا كنا في حاجة لكل دولار". إشكالية الفوضى وأضاف خلال مؤتمر "حكاية وطن": "الفوضى ضريبتها غالية وباهظة ولازم نكون واعيين لكده، الناس لازم تعرف ان كل خطوة بتتعمل بيكون لها فعل ورد فعل والناس لما تتخانق في الشقة الشقة بتتبهدل احنا مش بنتكلم في الدولة".
لعبة تخريب مصر وتابع: "اللعبة اللي بتتلعب معانا دلوقتِ إزاي نخربها، ولما كنا بنتفاوض بالنسبة لحقل ظهر وعدت المستثمر إني أحل له أي مشكلة وأخلص له أي إجراءات علشان الحقل ينتج بعد سنة لأنه لما دخل رحمنا من الاستيراد وكمان احنا كان عندنا اتفاق مع الأردن لازم نوفي بالتزاماتنا علشان ما حدش يرفع علينا قضية في التحكيم الدولي، أي مشروع بنعمله بسرعة علشان اللي احنا فقدناه في 50 سنة كتير أوي ولازم نشتغل بالمعدلات اللي احنا فيها دي 20 أو 30 سنة".
ألاعيب أهل الشر ولفت: "أي تحرك مع تيار الفوضى يخلينا نعيش في حالة عدم استقرار وظروف اقتصادية قاسية لمدة تصل ما بين 40 إلى 50 سنة، علشان كده لازم ناخد بالنا من ألاعيب الأشرار". تصدير الغاز وأوضح: "الكهرباء بتقطع علشان نقص في الغاز، لأن وزير البترول محتاج يصدر ويوفر عملة صعبة علشان يقدر يوفر سولار وبنزين للعربيات في محطات الوقود.. طيب مين يستحمل أزمة انقطاع الكهرباء؟ احنا يا مصريين، هتقولوا الدولة يتصرفوا، يتصرفوا إزاي؟ أكتر من كده سلف؟ هنتصرف منين". السيسي: بنبيع الكهربا للناس بربع تمنها ونلاقي مليون حادثة سرقة تيار كل شهر السيسي: المصريين قادرين يتحملوا مآسي وتعب وبنقول لربنا يا كريم اعطف علينا بيع الكهرباء بربع سعرها ولفت: "احنا عندنا إنتاج من الوقود بناخده كله وكمان بناخد إنتاج الشريك، وطبعًا الشريك عايز فلوسه بالدولار بينما الكهربا بتحصل فلوسها بالجنيه، فيه 17 مليون مشترك بياخدوا الطاقة بأقل من ربع ثمنها، وفيه حد بيدي حاجة بربع ثمنها في بلد زي مصر، وزير البترول عايز الفلوس علشان الشريك والدكتور محمد شاكر مش معاه لإنه بيعطي الخدمة بربع ثمنها، وعلشان كده مهم نوعى ونفهم الناس الحكاية صح انا مش بعاتب لكن بدردش معاكم، ايام المهندس شريف إسماعيل كان عندنا احتياطي بوتاجاز ل8 أيام، وبعدين اتعمل مستودعات بوتاجاز علشان يبقى عندنا احتياطي لمدة 60 يومًا ومخزون يكفي احتياج الناس، والحاجات دي ما بتتعملش الا اذا كانت البلد قاعدة تشتغل وتنفذ خطتها بجدارة".
ونقدم لكم من خلال موقع (فيتو) ، تغطية ورصدًا مستمرًّا على مدار ال 24 ساعة ل أسعار الذهب، أسعار اللحوم ، أسعار الدولار ، أسعار اليورو ، أسعار العملات ، أخبار الرياضة ، أخبار مصر، أخبار اقتصاد ، أخبار المحافظات ، أخبار السياسة، أخبار الحوادث ، ويقوم فريقنا بمتابعة حصرية لجميع الدوريات العالمية مثل الدوري الإنجليزي ، الدوري الإيطالي ، الدوري المصري، دوري أبطال أوروبا ، دوري أبطال أفريقيا ، دوري أبطال آسيا ، والأحداث الهامة و السياسة الخارجية والداخلية بالإضافة للنقل الحصري ل أخبار الفن والعديد من الأنشطة الثقافية والأدبية.
