أزمة انقطاع الكهرباء، قال الرئيس عبد الفتاح السيسي: "الدكتور محمد شاكر وزير الكهرباء من يوم توليه الوزارة في 2014 بيبعت لي تقرير شهري عن حجم سرقات الكهرباء في مصر وهي ما بتقلش، فيه مليون حادثة سرقة كل شهر بقالنا 96 شهر ب96 مليون واقعة، طيب مين اللي بيعمل دا كلنا". سعر الكهرباء وتابع خلال مؤتمر حكاية وطن: "طب الكهربا اللي بيدفع ربع تمنها فيها مليون حادثة سرقة تيار كل شهر وكمان الناس مش عايزة تدفعها، أنا مش بقول كلام صعب".
فض الاشتباك بين وزيري الكهرباء والبترول وأكمل ضاحكًا: "وزير الكهرباء مش عايز يدفع لوزير البترول فلوس الغاز فوزير البترول يحرم عليه وما يودلهوش غاز فالمحطات ما تشتغلش فأنتوا ما تلقوش كهربا فتقولوا الحكومة نايمة، الدكتور محمد شاكر عالم كبير في الشغلانة ولكن يقوم يطلع بيان ويقول لك يعطوني غاز هطلع الله هو أنت شغال لوحدك ولا إيه؟ طب ما تدفع اللي عليك مش كده ولا إيه دكتور مصطفى مدبولي، وصحيح لو اديناله غاز هيكفى الكهرباء اللي احنا عايزينها بس الحكاية إن فيه مشكلة في دفعه الفلوس اللي عليه وبالتالي البترول تجد صعوبة هي الأخرى في تدبير الموارد اللي بتستورد منها السولار والبنزين، الأمور كلها متداخلة مع بعض".
في نفس المؤتمر، قال الرئيس عبد الفتاح السيسي: "المهندس طارق الملا دايمًا يتخانق مع الدكتور محمد شاكر علشان فيه ما بينهم رباط، والدكتور مصطفى مدبولي رئيس الوزراء يخلص".
أزمة محطات الاسالة بعد 2011 ومشكلة حالة الفوضى وأضاف خلال مؤتمر حكاية وطن: "مهما أنتجنا من بترول فالإنتاج يتراجع ولو توقفت الاستكشاف سيكون له تأثير في القطاع وأيضًا على الكهربا، وعلى لما تستعين الثقة وتطمئن الشركات إنها تشتغل تاني الموضوع بياخد وقت، نتيجة عدم الاستقرار توقف إنتاج البترول والاقتصاد بالتالي خرب والكهرباء بدأت تتقطع بالتالي تخرب الدولة، عشرات المليارات الدولارات كانت قضايا تحكيم ضد الدولة متمثلة في قطاع البترول بسبب حالة عدم الاستقرار بعد 2011، ومحطات الإسالة توقفت في 2011 بسبب المظاهرات اللي كانت اللي بتحصل في المنطقة دي والأشرار كانوا بيخلوا الناس تعمل مظاهرات والدنيا تقف والمحطة متشتغلش والشركة الأجنبية تنسحب ويعملوا علينا قضية بمليار دولار واحنا في حالة لكل دولار، اهل الشر كانوا يتعمدون توقف محطات الإسالة في 2011، الحكاية اللي احنا بنحكيها أنا لما توقفت الشركات عن الاستثمار تراجع الإنتاج وبالتالي حدثت مشكلة وقود في مصر ودا اضطرينا إننا نشتريه من برا بالدولار وخلصنا الاحتياطي النقدي الأجنبي بتاعنا، الناس لازم تعرف ان كل خطوة بتتعمل بيكون لها فعل ولكل رد فعل والناس لما تتخانق في الشقة الشقة بتتبهدل احنا مش بنتكلم في الدولة، اللعبة اللي بتتلعب معانا دلوقتي إزاي نخربها، ولما كنا بنتفاوض بالنسبة لحقل ظهر وعدت المستثمر إني أحل له أي مشكلة وأخلص له أي إجراءات علشان الحقل ينتج بعد سنة لإنه لما دخل رحمنا من الاستيراد وكمان احنا كان عندنا اتفاق مع الأردن لازم نوفي بالتزاماتنا علشان محدش يرفع علينا قضية في التحكيم الدولي، أي مشروع بنعمله بسرعة علشان اللي احنا فقدناه في 50 سنة كتير أوي ولازم نشتغل بالمعدلات اللي احنا فيها دي 20 او 30 سنة ".
وتابع السيسي: "العلاقة بين الاستقرار والظروف الاقتصادية عميقة واصيلة، علشان كده بحذر المصريين قد لا تعود بلدنا مرة تانية ونخش في حالة عدم الاسقرار ل40 سنة مع أي دعوات للفوضى مجددًا".
ولفت: "رجعت معدلات الاستكشاف عن الغاز الفترة الأخيرة بشكل طبيعي بعد أزمة كورونا والحرب الروسية الأوكرانية".
رخص سعر الكهرباء وأشار: "الكهربا كانت بتتقطع لإن طارق الملا مش قادر يعطي وزير الكهرباء الوقود والغاز بنفس الأسعار، لازم يخلى باله من الغاز لإنه مطالب يوفر بنزين وسولار للعربيات، طيب مين يستحمل احنا، يتصرفوا ازاي، اكتر من كده سلف، هنتصرف منين؟ احنا عندنا انتاج بناخده كله وكمان إنتاج الشريك والشريك عايز فلوسه بالدولار بينما الكهربا بتحصل فلوسها بالجنيه، فيه 17 مليون مشترك بياخدوا الطاقة بأقل من ربع ثمنها، وفيه حد بيدي حاجة بربع ثمنها في بلد زي مصر، وزير البترول عايز الفلوس علشان الشريك والدكتور محمد شاكر مش معاه لإنه بيعطي الخدمة بربع ثمنها، وعلشان كده مهم نوعى ونفهم الناس الحكاية صح انا مش بعاتب لكن بدردش معاكم، ايام المهندس شريف إسماعيل كان عندنا احتياطي بوتاجاز ل8 أيام، وبعدين اتعمل مستودعات بوتاجاز علشان يبقى عندنا احتياطي لمدة 60 يوما ومخزون يكفى احتياج الناس، والحاجات دي مبتتعملش إلا إذا كانت البلد قاعدة تشتغل وتنفذ خطتها بجدارة".
السبب وراء أزمة انقطاع الكهرباء ولفت: "لما الكهربا تتقطع لازم نطلع نقول الحقيقة للناس، متخافش دكتور شاكر اطلع وقول، بعد لما كنا بنقل دعمنا تراجع بسبب تغير سعر الصرف زاد الدعم تاني للمواطنين، وزير الكهرباء بياخد متر الغاز ب3 دولار بينما وزير البترول بيبعه في السوق الأجنبي ب12 دولار وفي السوق المحلي ب8 دولار". السيسي: المصريين قادرين يتحملوا مآسي وتعب وبنقول لربنا يا كريم اعطف علينا السيسي: شوية الكهرباء اللي بيتقطعوا ب 300 مليون دولار ومش هستعر من حالي رسالة السيسي للمصريين وتابع: "اسمعوا يا مصريين اوعوا تداروا وشكم مني، ده بلدنا بتاعتنا كلنا، الغلبان اللي ماشي في الشارع له اللي ليَّ وعليه اللي عليَّ، كل مواطن له حقوق وعليها واجبات للنهوض بالدولة وتحمل الظروف، ممكن يحصل أزمة في عدم توافر الوقود في المحطات ووقتها نمسك في الحكومة بسبب أزمة الدولار، طيب هنعمل إيه؟".
ونقدم لكم من خلال موقع (فيتو) ، تغطية ورصدًا مستمرًّا على مدار ال 24 ساعة ل أسعار الذهب، أسعار اللحوم ، أسعار الدولار ، أسعار اليورو ، أسعار العملات ، أخبار الرياضة ، أخبار مصر، أخبار اقتصاد ، أخبار المحافظات ، أخبار السياسة، أخبار الحوادث ، ويقوم فريقنا بمتابعة حصرية لجميع الدوريات العالمية مثل الدوري الإنجليزي ، الدوري الإيطالي ، الدوري المصري، دوري أبطال أوروبا ، دوري أبطال أفريقيا ، دوري أبطال آسيا ، والأحداث الهامة و السياسة الخارجية والداخلية بالإضافة للنقل الحصري ل أخبار الفن والعديد من الأنشطة الثقافية والأدبية.
