أبين زين.. وأقول على المستخبى واللى مش معروف.. أضرب في ودعى.. وتمللى بادعى.. والمستخبى باقوله ع المكشوف رايح على فين يا حوثى باليمن على فين؟.. إنت وصالح مافيش في الدنيا تانى اتنين.. عايشين في وهم القيادة بين جموع تايهين.. وشبعنا منكم خطب وضحك ع الملايين.. وتصريحات كلها بتقول لكم آسفين.. أنتم هواة كرسى سلطة في اليمن عايشين.. تصوروا للقبائل إنكم ميامين.. حرام عليكم بلاش تحيروا المساكين.. وتقتلوا الأبريا باسم الوطن والدين.. وتسألونى أقول لكل يمنى رذين.. أنا عشت وسط اليمن في ثورة الستين.. وحاربت ضد الإمام وشفت وحل وطين.. علشان تكون اليمن وحدة وصف متين.. وبعد خمسين سنة للاقتتال راجعين.. ونسيتوا سلال وجيشه وثورة الملايين.. ورجعتوا تانى لحكم قبيلة حوثيين.. لكن ضمير الشعوب صاحى ليوم الدين.. وقف وصد التعدى ضد كل كمين.. ورجعت تانى يا حوثى تلطم الخدين.. وعبده صالح بيهتف في الجيوب ملايين.. لكن مافيش فايدة أنتم كلكم عارفين.. إن الشعوب الأبية فيها ناس حافظين.. إن حضارة الشعوب لها فكر ثوريين.. عارفين نهاية الحكاية ولعبة الخائنين.. لضمير شعوبهم هواة القتل والتخوين.
