إتخلقنا بزمن مش زمانا وبأرض مش مكانا إمبارح زي بكره ومايفرقش عن النهاردة تايهين نمشي بدروبنا ومحسوبة علينا أنفاسنا ندي على قد ما نقدر وياليت في حد يقدر تكذب الناس على روحها ومش لاقين حد يصدقنا في ناس مخلوقة لبعضيها الحب في قلبهم ساكن أرواحهم هايمة بسماها أصحابها رافضة تتقابل الحظ ما دقش على بابها ملهاش حظ من الاخر الحزن مالي أرواحهم ومحدش في الدنيا فاهمهم تعاهدوا يعيشوا لبعضيهم بقلوبهم مش باجسادهم الناس كلها ظالمينهم ومحدش قادر ينصفهم تقابلوا في الزمن الخاطئ ويالتهم أبدا ما إتقبلوا الحب خاتم على قلوبهم ويا ليتهم أبدا ما حبوا الخوف ساكن جواهم من بكره ومن اللي بعده الموت أهون من فراقهم والقرب أكتر من موتهم أسوار بينهم مبنية مش قادرين على هد أسوارهم في ناس عايشة وياهم مانعين يعيشوا حياتهم غريبة والله حكايتهم والإغرب إنهم عايشينها و دموعهم دايما سبقاهم ماشيين دايما لمصيرهم بنيين عالم لأ رواحهم في دنيا أبدا مش دنيتهم