سيد يقول قول لنا ياحبيبنا يازغلول هل الجزيرتان لمصر.. قول يازغلول قول ؟ زغلول يقول مش حأقول.. لكل حق أصول فيه ناس وعارف الحقيقة بدون زعل وفضول وانت ياسيد كمان عارف مين المسئول 000000000 سيد ضحك قال مافيش داعي نقول حكايات الأرض ملك لإله الأرض والسماوات وكل البشر عايشين بها أموات الأرض فيها الجدود ومن سنين الوفات 00000000 ترضى يازغلول تسيب بيتك لناس ياخدوه زغلول وقف قال بسرعة الكلام عرفوه أهل العقول اللي فاهمة الحق وبيحموه ترضى ياسيد تسيب بيتك لناس يخدوه؟! لأنهم قالوا ده بيتهم ويوم ورثوه 0000000000 نحب نسمع بقى رأيك ياعم فريد الكل بيقول بأن الأرض فاضية بعيد وعليها صارت مشكلات خاصة بالتحديد فقول لنا نعمل إيه حدد لنا المواعيد 00000000 فريد سأل.. قول ياسيد إنت أو زغلول فيه حد عارف الحقيقة عشان يرد يقول ؟ المسألة مش كلام في كلام وطبقين فول لكن الحقايق تاريخ بمستند وأصول 0000000000 الأرض ملك لصاحبها بس بالإثبات يقول لنا ع الحقيقة وكل شيء بثبات وبدون زعل كلنا وسط الرياح أشتات وان كنا عاقلين صحيح لازم نكون إخوات
