"نسل الأغراب" غريب وسبب اعتذاري عن "الممر".. أبرز تصريحات أمير كرارة في "حبر سري"

ظهر الفنان أمير كرارة، أمس، ضيفًا في أولى حلقات برنامج "حبر سري" على قناة القاهرة من تقديم الإعلامية أسما إبراهيم، وتحدث عن عدد من الأمور الهامة والشخصية وكذلك حياته الفنية، ويستعرض مصراوي في هذا التقرير أبرز تصريحات أمير كرارة كالتالي:
1- مسلسل نسل الأغراب تجربة غريبة جدا، واتهاجم "زيادة عن اللزوم".
2- "نسل الأغراب" أضاف لي شيئا مهما، وهو أنني كنت أظهر كل عام في شخصية الضابط، وكنت في حاجة للظهور في شخصية مختلفة.
3- الحاجة المختلفة بالنسبة لي لازم تكون مختلفة 360 درجة.
4- اللهجة الصعيدي في "نسل الأغراب" جميلة وبنقدرها، لكنها كانت صعبة جدا جدا بالنسبة لي.
5- المجهود المبذول في نسل الأغراب 10 أضعاف المبذول في أي مسلسل آخر، وفي ناس حبته وناس ماحبتوش، وده معناه أن كله شافه.
6- اعتذرت عن فيلم "الممر" بسبب تكرار تقديمي لدور الضابط وكنت أتمنى العمل مع المخرج شريف عرفة.
7- رامز جلال نجم ومحبوب ونفسي أشارك في مقلب معاه.
8- أحمد عز مهذب جدًا، وأحمد السقا أخويا، والكلام عن خلافي معاهم شائعات.
9- أحمد السقا أقدم وأنجم مني وخبرة كبيرة وإني أشتغل معاه دي حاجة تضيف لي.. بصراحة يعني أي حد يتمنى يشتغل مع أحمد السقا
10- ماخوفتش من المقارنة مع كريم عبد العزيز في "الاختيار".
11- أحمد حلمي مختلف وله شكل لوحده مش شبه حد خالص، طبعا أحمد حلمي نجم كبير مش أنا اللي هقيّمه.
12- أنا كمان مبحبش مبدأ السبوبة يا اعمل حاجة محترمة وكبيرة يا ما أعملش.. بحب أنتقي عشان أفضل عايش علشان اسمي وبخاف عليه عشان أولادي.
13- "باشا مصر" هو ثاني أقرب الأسماء لقلبي بعد "أبو سليم".
14- أرفض أي كوميكس أو هزار بصور من مسلسل الاختيار لأن أحمد المنسي بطل احنا ما نجيش ربعه.
15- لم أكتب عن نفسي باشا مصر أبدا، ولكن الناس هي التي كانت تناديني به.
16- اللي طلع هذا اسم "باشا مصر" هو أخويا الفنان الكبير دياب، لما كنا بنصور كلبش كان معدي وقالي "باشا مصر" فالمخرج بيتر ميمي استوقفه وقاله إيه ده.. حلوة دي قلها، فلما قالها دياب مرة لزقت.
17- شفت شبيهي.. يمكن فينا "شنب من بعض".. ونصيحتي ليه "مش هتستفيد حاجة لو دخلت المجال الفني".. ونفس الأمر على شبيه رشدي أباظة.