وجّه الفنان مصطفى كامل نقيب المهن الموسيقية، رسالة لمطربي المهرجانات، مفادها: "مفيش حد هيغني تاني بفلاشة أو حديدة تاني". وأضاف كامل، خلال المؤتمر الصحفي المقام بمقر نقابة الموسيقيين، الآن،: "قدرتوا تحصلوا على فلوس كتير من الأغاني فيلا بينا نستثمر هذ الأموال، عاوزكم تفكروا في تقديم أغاني أحسن من دي، حاجات حلوة الفترة الجاية لخدمة الوطن والنهوض به من خلال الفن الراقي". وقال مصطفى كامل: "مش عاوز اسمع كلمة مهرجانات، مفيش كلمة تاني اسمها مهرجانات، إنت ملتزم قدامي بالكلام ده، لا تقولي المنتج هو اللي نزل كلمة مهرجان، ولا بتاع". نقابة الموسيقيين وتابع كامل: "إنت بتغني وبتمارس المهنة زيك زي أي حد، وأن المطرب أمامه خياران،الأول الإدراج تحت شعبة الغناء الشعبي بتصريح سنوي، والثاني هو الإدراج تحت شعبة الأداء الصوتي، وتصريحها يتم تجديده ربع سنوي. واختتم كامل،: "هنعمل زي اللي بنراقب بعض، زي ما هقف جمب ولاد بلدي هنراقب كلنا شكل الأداء ده، الأداء كان عامل ازاي، هل أنت جاي تاخد الكارنيه وتمشي، ولما واحد بتحترم بلدك ووطنك؟".
