حرص مرتضى منصور رئيس نادي الزمالك، علي تولى المرافعة في مجلس الدولة في الدعوى التي أقامها ضد خالد عبد العزيز وزير الرياضة بسبب اللجنة المالية المتواجدة في النادي حاليا. وقال رئيس القلعه البيضاء: "مجلس الدولة هو مجلس الحريات وجبت لسيادتكم حكم صادر في 2008 من هذا المجلس المحترم كانت مني ضد المستشار النائب العام والمجلس لغي قرار النائب العام وقتها بسبب مخالفته القانون وأنا محتفظ بالحكم لأنه تاريخي وده عشان الناس اللي بتقول أن المحكمة الإدارية ليس لها سلطة لتلغي قرار النيابة". وأقام رئيس الزمالك خلال الأيام الماضية دعوى قضائية ضد الوزير بسبب اللجنة المالية المتواجدة في النادي حاليا للحفاظ على النادي الأبيض من الانهيار، وفقا لتأكيدات رئيس القلعة البيضاء. وكان رئيس الزمالك وجه الدعوة لأعضاء الجمعية العمومية بالتواجد في مجلس الدولة اليوم وحضور الدعوى القضائية التي أقامها ضد الوزير واللجنة المالية التي تتولى الإشراف على الشؤون المالية بالنادي. وأضاف رئيس الزمالك في مرافعته قائلا: "أنا جيت النهاردة عشان مؤسسة رياضية يعشقها الملايين بتتدمر لأسباب شخصية أنا استلمت النادي الخزينة فيها 600 جنيه وسلمت محضر تسليم النادي والموظفين مكانوش بيقبضوا ولما جينا طلبنا حاجتين بعت لرئيس الرقابة الإدارية عايز لجنة تفحص عشان الفساد اللي كان موجود ولجنة من المركزي للمحاسبات وأسفرت التحقيقات عن وجود إهدار مال عام مليار جنيه وكل حاجة غلط عملها ممدوح عباس وفي الآخر سايبينه وبيحاسبوا اللي جاب فلوس". وأضاف قائلا: "أنا مقدم 4 بلاغات للنائب العام ضد عباس ومحدش حقق معاه خالص لكن يحاسبوا بس اللي بنا وعمر.. أنا بسأل محامي الوزارة ليه لم يتم التحقيق مع ممدوح عباس ..وقال مرتضى منصور: ليه كل يوم أصحى الصبح بلاقي في طلب رفع حصانة عشان بقول رأيي في حاجات ومش بيعجب ناس معينين، وجالى جواب بحفظ كافة البلاغات اللي اتقدمت ضد ممدوح عباس يا نهار اسود احنا في دولة قانون". وعرض رئيس القلعة النادي على المحكمة التقارير التي تثبت مخالفات الإدارة أيام ممدوح عباس وأضاف قائلا: "أنا عايز اعرف هو كاسر عين مين في البلد".