شن الإعلامي خالد صلاح هجوما حادا على النائب البرلماني توفيق عكاشة، بعد مقابلة الأخير للسفير الإسرائيلي، وسبه للإعلاميين على الهواء. وقال "خالد" خلال برنامجه "آخر النهار" المذاع على فضائية "النهار": "ده واحد شغال شتيمة بالأهل على كل الناس نواب وناس عادية، ومطلع أرقام شيكات لإعلاميين لبنك الائتمان الدولي". وأضاف "مش عايز أدخل في هذا التراشق، مين عايز الفوضى أنها تهيمن على المشهد في مصر، ولو كان ده تخطيط من الدولة علشان الهيصة الإعلامية دي فالدولة هتخسر كتير لأنها هتفك ومش هتعرف تلم". وتابع: "بالمستندات كل شهاداته مزورة وأنا مش عايز اشتمه، بس لازم يتحاسب، علشان محدش يقول إن الدولة بتحميه .. واحد بيطلع على الهواء بيشتم خلق الله فردًا فردًا، وشتيمة لا يصح ذكرها، سيبان الانحطاط ده مسؤولية الدولة، لازم تنظم، لما جه عند خط أحمر معين قعد في بيته 3 أسابيع طب وشتيمتنا أحنا". واستطرد: "مش عايزين انحطاط .. الدولة مبسوطة من إعلام الزيطة، بس ده بدأ يبوظ البرلمان .. مش هرفع قضية على حد كلام وحد فاضي وصل لاقصى درجات التدني الوطني اعرضوه على مصحة، ولا يمكن نكون جزء من إعلام الزيطة وزرع التشوهات دي ضدنا". وسبه "خالد" بألفاظ خارجة، قائلاً "بالنسبة للدولة طباخ السم دواقه، أنا هقفل الموضوع ده، أقسم بالله ما هسيب حد متدني في الأخلاق بالطريقة دي، والدولة لازم تتكلم، ده كان بيبتز رجال الأعمال ومنهم أحمد أبو هشيمة وعلاء الكحكي، علشان يمولوه، ودلوقتي بيشتمهم أنا مليش في (...) ومشفتش سفالة وانحطاط كده". الفيديو..
