كشف تقرير إعلامي عن مفاجأة مدوية حول أزمة محمود عبدالمنعم كهربا نجم النادي الأهلي، خلال بطولة السوبر المصري، واتخاذ قرار بترحيله إلى القاهرة من قبل المدير الرياضي للمارد الأحمر محمد رمضان. وقال الإعلامي محمد الليثي في تقرير تليفزيوني عبر قناة «أون تايم سبورتس»: «كهربا بعت رسالة اعتذار للكابتن محمد رمضان، وبيقوله فيها أنا متقبل أي قرار هتتخذه بشأني، والقرارات اللي اتاخدت أنا متقبلها وبعتذر وبأكد أنه لن يتكرر الخطأ مرة أخرى خلال الفترة المقبلة». وأضاف: «لكن لايزال هناك حالة من الغموض حول عودة محمود كهربا بشأن استعدادات مباراة العين المقبلة، لكن هو بيعتذر وبيتأسف وحس بغلطته والكلمة اللي قالها للكبتن محمد رمضان، مكنش ينفع يقولها لحد بقيمة رمضان». وأكمل التقرير: «طبعًا ممكن تكون ذلة لسان، ولكن بردو مينفعش لما تكون بتلعب في نادي بقيمة النادي الأهلي، خلي بالك من ألفاظك، وتبقى عارف بتكلم مين زميلك ولا مدير رياضي أو مدير فني». وأردف: «النهاردة بعثة الأهلي لما وصلت راحوا زاروا كهربا، زي الشحات وأفشة وياسر إبراهيم ومجموعة كبيرة، وبينوله أنهم كانو مفتقدينه في المباراة النهائية». زاد: «لكن نرجع ونقول الانسان مبيتعلمش ببلاش، هو لعيب كبير جدًا، وأكيد اتعلم من الدرس ومش هيكرره، ولازم يبقى مضغوط يعرف إزاي يحافظ على كلامه وأفعاله». وأتم: «اعتقد أن الفترة المقبلة ستشهد انفراجة قريبة حول عودة محمود كهربا إلى النادي الأهلي، ويتواجد مع الفريق بصورة طبيعية».