تعليق صادم من نجم الزمالك السابق بشأن الصفقات التي أبرمها النادي، خلال فترة الانتقالات الماضية، قائلًا: «ملهاش لازمة». وقال أيمن عبدالعزيز، نجم الزمالك السابق، في تصريحات عبر برنامج «اللعيب»: «صفقات كتير لكن؟ ملهاش لازمة، لازم في تقييمك للاعب اللي هتمشيه إن عندك بديل في نفس الكفاءة أو أفضل منه». وأضاف: «محمود علاء مش من اللاعيبة اللي كان ينفع تمشي، كانت حصلت له مشكلة بسبب السوشيال ميديا، الناس ضغطت عليه ووصلته لمرحلة فقدان الثقة. لما تيجي تقارنه بالناس اللي موجودة في الدوري هو أفضلهم». وأكمل: «الصفقات ملهاش لازمة مبقصدش المعنى، أنا أقصد المعنى إنها هتعملك مشاكل، فكرة تجيب يعقوبو عشان يدخل منافسة مع أحمد فتوح وانت جددت لفتوح، هل فتوح يقعد احتياطي؟». وتابع: «فتوح لما يرجع يلعب هتعرف تقعده؟، يبقى أنت خسرت واحد أجنبي بمبالغ كبيرة، ونفس المشكلة إن الأجانب اللي بتجيبها مش في نفس مكانهم وتوقيتهم». وأكمل: «فأنت بتخسر مبالغ وأنت كان عندك لاعبية كان ينفع تحافظ عليها يبقى البديل الأنسب ل فتوح الولد يشيل ويلعب زي ما عملوا مع حسن الباك ليفت (2005)».