ليه يا مصر إيه جرا لك.. ليه غلابة واقفة ببابك.. جموع الغلابة بايتة تشكى.. وأنت قاسية ليه بس تقسى.. ليه يا مصر إيه جرالك.. بعتى المصانع بعتى الأراضى.. ما يكفى تمنها حفنة ترابك.. يا مصر أحمى ميراث ولادك.. ليه يا مصر إيه جرالك.. ليه الأسعار كل يوم بتغلى.. تلاقى الفقير يسعى ويشقى.. فى حضن الجوع يبات ويصحى.. ليه يا مصر إيه جرالك.. شبابك سنين يذاكروا.. وأهالى صرفوا وشقيوا.. والبطالة ليه ماليه أرضك.. ليه يا مصر إيه جرا لك.. ولادك ليه فى البحر هاجروا.. ليه فى البحر ضاعوا وغرقوا.. ليه ضحايا كل يوم فى أرضك.. ليه يا مصر إيه جرا لك.. ليه بيوت فى العز نايمة.. وبيوت فى الفقر عايمة.. تدور على الميه تشرب والمجارى فى الأرض طافية.. ليه يا مصر إيه جرالك.. يوم الانتخاب إيه بس يجدى.. أصوات من القبور تصحى وتمضى.. لقيت أصوات لجدى وجدك.. ليه يا مصر إيه جرالك.. لى نصيب للفساد فى أرضك.. أشكى لمين غلبى وغلبك.. رحت أدعى ربى وربك.. يا ريت تفوقى إيه جرا لك. [email protected]