طويله طوابيرك يا بلادى = من العجوزه للمعادى كل أزمه نقول دى عدت = جات أنابيبها السنادى واقفه ناس طول النهار = ناقصه تشحت بالأيادى ست حامل خايفة تولد = واللى سايبه رضيع ينادى واللى حاله يا خوى معطل = واللى قال سابنى معادى واللى غايب من وظيفته = عشانها خدناها اعتيادى نفسى ألاقى أى خدمة = من غير عذاب أقصى مرادى ولا شىء مكتوب علينا = والطابور يبقى ازديادى واللى واخد فوق نصيبه = لا هامه جدى ولا دادى أنبوبته توصل حد بيته = وسعادته قاعد جوا نادى بالكوسه يا با يمشى حالك = ننسى المبادئ كله عادى ولاّ الطابور رمز التلاحم = والمرور راح يبقى هادى طوابير لغاز طوابير لعيش = مش لاقى وقت أكفى زادى دا الدعم شىء ملموس حقيقى = لحمة وعلاج كافيار زبادى لو جبنا أنبوبه تزغرد = بنت الحلال تسعد فؤادى جوزى جاب أنبوبه يامَه = وجات الجيران هنت ولادى واللى قال جابها بواسطه = واللى قال ساكن قصادى كان صبور طول الطابور = استنى دوره غاظ الأعادى طابورنا طويل حادى بادى = من العجوزه للمعادى