شن الإعلامي أحمد شوبير هجوما عنيفا على مسؤولي الاتحاد المصري لكرة القدم ولجنة الحكام الرئيسية في الجبلاية في ظل الصراع المشتعل على إدارة اللجنة بين محمد فاروق القائم بأعمال رئيس لجنة الحكام وإبراهيم نور الدين المدير الفني للجنة. وقال أحمد شوبير: «في أزمة كبيرة جدا في القائمة الدولية الجديدة من الحكام المصريين عشان عندنا إثنين بيديروا لجنة الحكام وهما محمد فاروق وإبراهيم نور الدين، فاروق الرئيس ونور الدين بيقول أنا المدير الفني فماليش رئيس فهنا ديك وهنا ديك والضحية في الأخر الكرة المصرية لإن المركب اللي ليها ريسين بتغرق». اقرأ أيضًا: تعليق مثير من نجم الأهلي السابق على طلب زيزو 60 مليون جنيه للتجديد مع الزمالك وتابع أحمد شوبير: «ما ينفعش الكلام الفارغ ده، كل طرف متمسك بموقفه، وكل طرف أرسل قائمة دولية للاتحاد الدولي لكرة القدم»فيفا«من أجل اعتمادها في الفيفا، وأنا سألت أحد الخبراء فقال لي الاتحاد للدولي فيفا هيبعت يقول يا جماعة بطلوا هزار انتوا الدولة الوحيدة اللي بعتت قائمتين دوليتين في يومين متتالين وده لم يحدث من قبل من أي دولة». وأوضح شوبير: «أقول لكم اللي حصل هو فاروق راح لجمال علام قال له انا هبعت القائمة الدولية فقال له أبعت، تاني يوم إبراهيم نور الدين راح قال له أنا هبعت القائمة الدولية قال له أبعت، اللي أعرفه المفروض اللجنة تجتمع وتستقر على قائمة وتبعتها للفيفا لكن اللي عرفته كمان إن مفيش لجنة اه موجودين بالاسم بس وبيقبضوا». وأضاف شوبير: «على فكرة الموسم هيبدأ خلاص فالأمر صعب جدا كده هنشتغل ازاي بالشكل ده، هما اتنين متجوزين وبيتخانقوا على القائمة أيه الكلام ده يا جماعة».