هشام مبارك طويلة طوابيرك يا بلادي من كوم امبو للمعادي..كل أزمة نقول دي عدت جات أنابيبها السنا دي.. واقفة ناس طول النهارناقصة تشحت بالأيادي..ست حامل خايفة تولد واللي سايبة رضيع ينادي.. واللي غايب من وظيفته عشانها خدها اعتيادي..واللي واخد فوق نصيبه لا هامه جدي ولا حتي دادي.. أنبوبته توصل حد بيته وسعادته قاعد جوا نادي.. بالكوسة يابا يمشي حالك ننسي المبادئ كله عادي.. لو جبنا أنبوبه تزغرد بنت الحلال تسعد فؤادي.. جوزي جاب أنبوبه يامَه وجات الجيران هنت ولادي.. واللي قال جابها بواسطه واللي قال ساكن قصادي.. كان صبور طول الطابور استني دوره غاظ الأعادي.. نفسي ألاقي أي خدمة من غيرعذاب أقصي مرادي.. ولا طابورك مكتوب عليا.. زي حبك في فؤادي؟ ( الشاعر راضي علي الطهطاوي)