مش قادر أتحمل مش قادر أفضل ساكت والدنيا بتتكلم مش عارف أيه السبب مادام ده حق مشروع وليه ورقة تعمل كدا وهية لسه مشروع يا سيدى سيبه يحلم مادام حلم البشر مشروع وبلاش تقولى فتنة وعمالة ورجالة المخلوع بلاش تقولى خايف على البلد وأغلبية صامتة يحركها الجوع بلاش تكون فا كرنى هصدقك مادمت زى اللى قبلك خنوع ياناس كفاية زهقت من كل الكلام ده زهقت من عمالة وايد خارجية جامدة زهقت من بشر لظلم بشر شاكرة ربها وحامدة زهقت من الغاز والمولتوف وعيون شاردة ماليها الخوف وناس بتلعن الميدان وناس عيشتها بقت الميدان والبلطجة فيكى ألوان وداخلية قدام الثوار أسد وقدام سيدها البلطجى قط جبان أنا بقيت فيكى يا مصر شارد وأنا اللى كان لى دم الشهيد ضوء شارد وكانت الدنيا خلاص هتتحرك وفجأة لقيت الخوف واقف ماليه الخوف محتار فى دم شهيد وحكومة على الثوار أيدها حديد وشعب صامت وشاب صامد مش عارف يبرر دم سال مش عارف ليه يا بلد حالك بقى حال مش راضى ينصلح وكأن ده محال محال أن أسيبك وأسكت محال أشوف الدم سايل والخوف مابيبنى وبين حريتى حايل وأشوف برجك يا مصر مايل أشوف منه ماسبيروا أشوف كدبة حرية زمن مسخ عايشينه أشوف ظلم ساكن فى البشر أشوف صرخة مذيع الكلام فى زوره أتحشر عايز يصرخ يقول الحقيقة بس مش دى الحقيقة ده الكلام اللى عايزينه لأ يا سيدى من النهاردة عايزك تتكلم عايزك تصرخ من جواك ومن شباب مصر تتعلم بلاش سكوت ... بلاش خنوع بلاش فى الضلمة جنب الستاير تولع شموع بلاش تلون السواد بلاش تحرك نار تحت الرماد بلاش تسكت وتقول موضوع أتقفل لا ياسيدى شوف كام واحد اتقتل مين اللى قتل ..ليه اتقتل ... لما تعرف أبقى اتكلم بلاش من ابليس تاخد دروس وتتعلم كفاية عليك حب الوطن ومن الشهيد يا بن مصر اتعلم