عملت فيها دكر وانت اسير فقرك ! تفيت وبصيت لفوق وقعت على حجرك ! عشر سنين والعيال بيلعبوا حواليك يا كنت نايم يا كانوا بيلعبوا بأمرك ...... حاولت تشطح نطحت اللى اخد أيدك عايش على مساعدته ويوماتى بيزيدك نايم ومادد ايديك من كام سنه يا صاحبى نوم الكسل من زمان ضيّع مواعيدك ...... ضيعت مالك ! وحالك من زمان ضايع ! وسيبت دقنك زمان للندل والصايع وسيبت شيخ النوّر يركب على دماغك وانت شاريه والجبان من كام سنه بايع ...... القوه مش باللسان لكن بمجهودك وسلاح يصد العدو اللى على حدودك وذخيره تصنيع ايديك مش جايه بمساعده و روح و زور الهرم واتأسى بجدودك ...... وكمان تكون غلّتك وقت اللزوم تكفيك علشان مافيش اجنبى يفرض شروطه عليك وتعيش فى بلدك عزيز بالعلم والانتاج يومها ابقى مدد فى وش الامريكان رجليك ......