من كام يوم أنا كنت بأقول أهو كام شهر يا واد ويعدوا ينتهى عهد الوحش الغول ولا يوم واحد حكمه نمده نستحمل ما بقالنا سنين تسقينا ماية مجارينا ورغيفنا المعجون بالطين ماتوا فى طابوره أهالينا نستحمل خنقة معاليك لما فى يوم هاتعدى فى موكب يا أمير وفاكرنا صعاليك وفى رجليك الشعب ده شبشب بتبرطع بالطول والعرض تاكل حق وتدهس عرض لا يا مبارك عدلك مات ..... عزك مات وانت مكانك تحت الأرض يوم الأربع الأسود ماتت كل مشاعر حبنا ليك واعرف إنها كانت فرصه وفاتت إن نحط إيدينا فى إيديك كل رصاصه خدوها ولادنا مسمار ثبت نعش وجودك رصاصه كسرت سجن بلادنا رصاصه بتنفى صدق وعودك لازم تمشى إمشى كفايه ظلم في عهدك إمشى سقيت الذل لشعبك إمشى بصراحة هاقولها لك أنا من جوه قلبى كرهتك