سيتم حجب هذه الصورة تلقائيا عندما يتم الإبلاغ عنها من طرف عدة أشخاص.
نشطاء يسخرون من فرحة زوجة طارق عامر بتعويم الجنيه.. كارب: قفزات الدولار جوزت المحافظ داليا خورشيد.. رامي: مصيبة لو زوجته الثانية بتغير.. ياسمين: يعاني من تضخم زوجات.. وحسام: ميصحش كدا
انتاب نشطاء «فيس بوك وتويتر» حالة من السخرية على تعليق رئيس البنك المركزي طارق عامر، الذي قال فيه إن زوجته فرحت بقرار تحرير صرف الجنيه، المعروف ب«تعويم الجنيه»، وزادت وتيرة السخرية عقب زواج «عامر» بداليا خورشيد الوزيرة السابقة للاستثمار. فرحة التعويم قالت نها محمد: «طارق عامر فرح مراته بالتعويم عشان الأسبوع اللى فات يتجوز داليا خورشيد وزير الاستثمار السابقة كدة وضحت أوووى»، وأضافت أماني زكي: «ونحب نسأل مرات طارق عامر ياترى لسه مبسوطة بالتعويم.. اتجوز عليكي يا...». وعلق كارب ديم قائلا: «القفزات دي تخلي طارق عامر وحبيبة مليارديرات في 24 ساعة.. أهو العز بان عليه واتجوز على مراته.. طارق عامر ده لو حسبوا ثروته من يوم التعويم ليومنا هذا هيلاقوها تضاعفت». ورد رامي: «طارق عامر لما عوم الجنيه مراته الأولى كانت مبسوطة.. تبقى مصيبة بقى لو مراته الثانية بتغير بقى.. حاتقوله اشمعني أنا يا طاطا»، وتابع رامي سعد: «البنك المركزى اتجوز وزارة الاستثمار يارب يرفعوا راس الجنيه بقي». يجعله عامر وسخرت ياسمين محفوظ قائلة: «طارق عامر يعاني من تعويم في الجنيه وتضخم في الزوجات.. عاش ياعامر ويجعله عامر»، وقال شادي نور الدين: «طارق عامر دخل الشعب في مزاج مراته الأولانية حيث كانت مبسوطة بتعويم الجنيه.. في ظل الظروف الجديدة أنه عومها هي شخصيا». وأضاف عبد الحميد النحاس: «طارق عامر محافظ البنك المركزي فضل يقول مراتي مبسوطة بتعويم الجنيه.. وفجأة اتجوز عليها.. واضح إن مراته فرحت غلط». وعلق ناصر عبده: «طارق عامر كان سعيد قوي بانبساط زوجته بقرار تعويم الجنيه فقرر يزود انبساطها اكتر فتزوج عليها... مبروك»، وتابع إسلام صدقي: «غالبا مراته زهقت من كتر الانبساط فقرر يدور على حد تاني يبسطه». كانت مبسوطة وقال مصطفى سامي :«طارق عامر مراته انبسطت أوى لما عوّم الجنيه، حب يبسطها تانى فقال يعوم هو كمان واتجوز عليها»، وسخر حسام درويش: «طارق عامر محافظ البنك المركزي قال إن مراته مبسوطة بقرار تعويم الجنيه وفي اليوم العالمي للمرأة راح اتجوز عليها. إيه اللي حصل مش كانت مبسوطة، ميصحش كدا». وأضاف عمرو كامل: «مجاملة طارق عامر لزوجته في قرار تعويم الجنيه ينطبق على المقولة الخالدة: وعملنا البحر طحينة وكتبنا عليه أسامينا»، وعلق تايسون شبانة: «طارق عامر راح يفسح مراته الجديدة في ألمانيا أومال مراتك الأولانية اللى كانت مبسوطه علشان عومتو الجنيه راحت فين؟». وسخر إبراهيم جمال: «يعنى لما الست مرات طارق عامر تكون مبسوطة بالتعويم.. يروح يتجوز عليها.. !! ينفع كده».
