سيتم حجب هذه الصورة تلقائيا عندما يتم الإبلاغ عنها من طرف عدة أشخاص.
خبط بالعقل.. فيديو فاضح لغادة عبد الرازق يقلب السوشيال ميديا.. السيطرة على جشع السائقين بعد غلاء البنزين.. ارتفاع أسعار الأدوية «ربنا يخليلنا الحكومة».. مطلعش حرام ندعي ونقول «أغثنا يا رسول الله»
غادة عبد الرازق الفيديو ملفق وهوضح الحقيقة في بيان صحفي وإحنا قاعدين لابينا ولا علينا مرة واحدة لاقينا السوشيال ميدا اتقلبت.. بس ايه السبب؟..فيديو انتشر للفنانة غادة عبدالرازق وهي بتكلم جمهورها شبه عريانة..بس غادة في جزر المالديف هتعمل الفيديو دة امتي؟؟ .. ما هو دة اللي هي قالته..وكمان قالت ان الفيديو ملفق وهتوضح الحقيقة فى بيان صحفى لما ترجع من المالديف..بس اكيد الحقيقة هتبان.. وهنعرف مين الصادق ومين الكذاب..خلصانة بشياكة يا معلم.. مستشار مفتي الجمهورية قال إن الدعاء ب «اغثنا يارسول الله» ليس شركا الكلام كتير أوي والفتاوى كمان كتير جدا واحنا اللي بنضيع في النص ومبنبقاش فهمين أي حاجة..طول عمرنا عرفين اننا لما بندعي بنقول يارب محتاجلك جنبي في كذا واتربينا ان الله هو خير مدبر لأمور الإنسان.. وكمان اتعلمنا ان الشخص اللي بيتسند علي غير الله في الدعاء والرجاء يكون بمثابة الشارك..بس مستشار مفتي الجمهورية قال إن الدعاء ب " اغثنا يارسول الله" ليس شركا..والله الواحد ما بقي فاهم حاجة كل يوم كلمة وفتوة جديدة في الدين..اتقوا الله ورسولنا علي مرسي عشان منغرقش اكتر من كدة.. دة دين وله فقه وسنن مش لعبة.. سيطرة الحكومة على تجاوزات السائقين بعد زيادة أسعار البنزين هى مش فوضى؟ مش كدة ولا ايه؟..اصل بعد ما البنزين غلي والأسعار بقت نار في كل حاجة لاقينا السواقيين بيستغلوا الموقف وبيزودوا الأجرة "بس هو حقهم الصراحة اصل البنزين بقي ب5 جنية للتر"..بس الحكومة مسكتتش عشان هي بتحافظ علي حق وفلوس المواطن..وعشان كدة عملوا 500 جنيه غرامة وإيقاف شهر بالفيوم ودمياط للسواقين مستغلي الموقف.. وسحب التراخيص بالبحر الأحمر.. والإحالة للنيابة بالإسكندرية لمن يقوم بذلك اللي هو الاستغلال طبعا..المهم بقي القاهرة والجيزة هيبقي ايه نصيبهم من الاستغلال دة الميكروباص بقي ب6 جنية من مشعل لرابعة بعد ما كان ب4..عارف الصدمة اللي انت مش عارف تفكر بسببها هو دة اللي الشعب المصري فيه..وفي الاخر لازم نشكر كل من تسبب في ذلك ونقول ربنا يخللينا الحكومة.. ارتفاع 20% من الأدوية الأجنبية و15% للمصرية دة مطلعش بس البنزين، الأدوية كمان..يعني لا نركب عربيات ولا نتعالج.. زيادة مرتقبة في أسعار الأدوية «الحق فى الدواء» قال ارتفاع 20٪ من منتجات الشركات الأجنبية والمستورد ودة طبعا عشان عدم استقرار اسعار الدولار.. و15٪ للمصرية ودة طبعا عشان عدم استقرار الجنية و8 أصناف للمصانع الصغيرة ويحذر من وجود 3 تسعيرات في الصيدليات دية بقي عشان استغلالهم للموقف بدون وجود رحمة علي الفقير اللي بيدفع تمن حاجات كتير في البلد..رايحة بينا علي فين يا مصر؟.. السيسي: تخصيص 85 مليار جنيه من الموازنة لتفعيل إجراءات الحماية المجتمعية كان يا مكان يا سعد يا إكرام ما يحلي الكلام غير بذكر النبي عليه الصلاة والسلام..احنا كشعب مصر بقالنا يجي اكتر من 5 سنين طفحين الدم والفلوس مبتكفيشنا وبقينا بدل ما بنفكر ان البلد تبقي افضل "وعيش حرية عدالة اجتماعية" بقينا بنفكر بس في لقمة العيش..لكن عندنا امل كبير في ربنا ثم رئيسنا الحالي السيسي.. الذي قام بتخصيص 85 مليار جنيه من الموازنة لتفعيل إجراءات الحماية المجتمعية..يعني المعاشات والجمعيات الخيرية وكل ما يحتاجه الفقير لكي يعيش..ربنا يخليك لينا يا ريس وللفقراء.. طرق لصمود المرتب لأخر الشهر تعرف عليها بعد ارتفاع او نقدر نقول غلاء اسعار ازاي نخلي المرتب يصمد للنهاية الشهر؟.. أبعد عن شراء الأجهزة والمنتجات اللي فيها دلع.. أي سوبر ماركت بيعمل تخفضيات لمنتجات اساسية تجري تشتريها هتوفرلك وهتفيدك قدام.. ابعد عن اكل الشارع الغالي وخاليك في البيتي المعقول..ادفع فواتير الكهرباء والتليفون وجيب لحمتك فراخك في أول الشهر عشان متغنيش ظلموه في آخرة.. لو هتسافر اختار أقل التكاليف واتبسط يا عم.. وابقي قابلني لو المرتب كمل لاخر الشهر..أقعدوا بالعافية..
الأرصاد درجة حرارة الطقس غدا 40 درجة نصيحة على الماشي.. الأرصاد بتقول إن طقس الغد شديد الحرارة والعظمى بالقاهرة 40 درجة..يعني هنموت.. نعمل ايه؟ ونحافظ علي صحتنا ازاي؟..اولا لازم نشرب بتاع 3 لتر ماية كدة..ونأكل فواكه كتير وخضار.. نلبس الألوان الفاتحة عشان متحتفظش بحرارة الشمس..ونحط واقي للشمس عشان بشرتنا ونستحمي بماية فاترة يعني لا هي ساقة ولا سخنة..ومنجلكمش في موجة حر تانية..
