ف ميدان كبير تسمع بودنك صوت هدير تشوف بعينك شئ خطير خرج الشباب يحلم بخير خرج بنادي باعلي حس للتغيير هب النظام وطلق نفير قام الحرس يضرب كتير يقتل وينهب بلا تفكير ف ميدان كبير صوت القنابل والرصاص مطر غزير وكله صامد ف الميدان شهيق زفير طلع البعيد يخطب ف ناسه كلام حقير دي أجندة جاهزة..دول حمير الصوت بيعلي ف الميدان كما الزئير صوت الشباب جوة الصدور لا للرئيس....لا للوزير ف ميدان كبير وقف التاريخ يشهد خروج فرعون أخير قواتنا واقفة تحمي شعبها بلا تكدير رحل النظام......قال الشباب....دي مصر غير صدح الادان ف العالي ربنا كبير رفعوا المصاحف ويا الصليب بلا تكفير ف ميدان كبير صباح عفي مليان أمل من غير تكشير صباح بيضحك لجل مصر تكون بخير رقص العلم بكل فخر ....ده كان أسير صفحة سودة وانطوت باالم مرير شهداء وماتوا ف حضنها ب إيدين خبير روت دماهم ارضها ف ميدان كبير ميدان كبير ما يتنسي .... هوا ميدان التحرير