آثارت تصريحات أحمد بلال نجم النادي الأهلي السابق، بشأن نادي الزمالك في مباراة السوبر الأفريقي 2024 المنتظر، جدلًا واسعًا خلال الساعات الماضية. اتكلم باحترام.. كيف رد نجوم الزمالك على أحمد بلال؟ في البداية خرج أحمد بلال بتصريحات تلفزيونية مثيرة جاءت كالآتي: ««مباراة السوبر الأفريقي أعتقد أنها ستنتهي قبل بدايتها لصالح النادي الأهلي، في ظل مستوى الزمالك المتواضع للغاية، الزمالك بمستواه الحالي أعتقد أنه لن يسدد كرة على العارضة حتى بالمباراة، ولو دا المستوى اللي هيلعب بيه المباراة، مش هيكون محتاج يسافر للسعودية حتى لا يخسر بنتيجة ضخمة، ونسبة فوز الأهلي 90%». ورد وائل القباني، لاعب الزمالك السابق، على تصريحات أحمد بلال، حيث قال في تصريحات تلفزيونية عبر فضائية «النهار»: «مبحبش التصريحات التريند، التقييم حاجة وإنك تسيئ لنادي الزمالك حاجة تانية، لازم تعرف إن الزمالك نادي كبير». وأضاف: «مينفعش مثلًا النادي الأهلي مستواه يكون نازل في 5 أو 6 مباريات وأقول ميروحش المباراة أحسن»، مضيفًا: «ممكن تقول الأهلي هيكسب وفقًا لأدائه في الفترة الأخيرة، ده أسلوب محترم». وتابع: «أنا اتعودت لما أتكلم على حد اتكلم باحترام، مفيش حاجة اسمها تقول الزمالك ميسافرش! مينفعش تقول الزمالك أحسن مش هيجيب رمية تماس!، الزمالك نادي كبير وعيب تقول كده». وواصل: «كلامك كلام تريندات، عيب اللي إنت بتقوله، أنا لما بتكلم على الأهلي بتكلم باحترام، لما تيجي تتكلم على الزمالك تتكلم باحترام أيا كان مستواه». وأتم: «انا لما أتكلم عن الأهلي حتى لو مش في مستواه، هقول نادي الزمالك كفته أرجح بنسبة 70%، لكن ينفع أقول النادي الأهلي ميسافرش! هل دي قيمة النادي الأهلي؟ ودي برضه مش قيمة الزمالك». بينما قال عفت نصار: «مش دائمًا الأفضل يفوز، ومباريات القمة لا تُحسم إلا داخل الملعب، الزمالك يتفوق على الأهلي في وسط الملعب كفنيات، وهو ما قد تكون ميزة للفريق، ولكن ما يميز الأحمر الأطراف والسرعات». وزاد: «تلك المباريات صورة للاعبين، على سبيل المثال سيف الدين الجزيري كان قد يرحل حال عدم تسجيله هدفين في شباك الأهلي بالدوري، وبالتالي مباريات القمة غير خاضعة للتوقعات». وأردف: «الأهلي يملك استقرار فني في التشكيل وكولر المدير الفني لديه ثابت على التشكيل، بعكس جوميز الذي لا يتميز بالثبات وهناك تفاوت في المستوى، رسالتي إلى أحمد بلال من تواضع لله رفعه، مينفعش تشوف نفسك أحسن من أي شخص، ولو الأهلي خسر هيكون وضعك إيه». واختتم: «نسبة فوز الزمالك 55% وأتمنى التشكيل يكون مكون من: محمد صبحي وحسام عبدالمجيد وحمزة المثلوثي وعمر جابر ومحمد حمدي ودونجا وعبدالله السعيد وناصر ماهر وميشالاك وزيزو وسيف الدين الجزيري». رد نيرة الأحمر على أحمد بلال قالت نيرة الأحمر عضو مجلس إدارة نادي الزمالك في تصريحات عبر شاشة قناة «الزمالك»: «لا عزاء ولا تركيز ولا أي حاجة للتصريحات إللي بتدور على التريند، مقدرش أقول نجم سابق بصراحة مش هقدر أقولها، انت مش نجم وببساطة النجم بيقول الحق». وأضافت: «النجم مش شوية مهارات وأجوان وبس، النجم إللي هنده ثقافة وعارف بيقول إيه وبيقول تصريحات سليمة، ويكون قدوة، مش طالع يقول الزمالك ميروحش السعودية، إيه مشكلتك؟، هو انت إللي دافع فلوس البعثة؟». وتابعت: «انت مالك خليك في فريقك، انت بتتكلم عن الزمالك بالشكل ده، ده كيان انت مين بجد؟، محتاج تفوق وتكون قدوة، البعد عن الأضواء مؤلم وصعب، وبتدور نطلع تريند إزاي، عشان محدش شايفنا، فنتكلم عن الزمالك، بس فلت منك». [image:3:center] وأكملت: «الزمالك هيكسب يوم الجمعة وده حقي تمامًا، وتقول وجهة نظرك بس مش أكتر، وعندنا لاعيبة رجالة وبتموت نفسها، انت مالك، متشغلش بالك انت». وواصلت: «انت لا تمثل النادي الأهلي، وإللي زيك ممكن يعمل شحن، إحنا بنلعب برا ولازم روح رياضية زي ما بنعمل هنا في الزمالك، ليه بقى التصرفات الفردية دي». وأتمت: «فين قصتك يعني، حاجة غريبة وكلام مريب للبحث عن التريند، إحنا كسينا الكونفدرالية وفي دعم عشان نكسب يوم الجمعة، وكفاية إشاعات على الزمالك بقى، بس مش هنتأثر برضو، وانت في الآخر مش موجود وهتختفي تاني، وشوف شغل مفيد عن كدة».