فيه ناس كتير متشعبطة في الدنيا بس مظبطة إشمعنى احوالك يا دنيا معايا اخر لخبطة عجبي ********** مصر دي أم الممالك واللي يتصدى لها هالك عرفنا ايه اسباب عظمتك ان شعبك رأس مالك عجبي ********** غلطت فيا و سامحتك ومرة تانية صالحتك في التالتة ليه مستغرب اني غضبت و فارقتك؟؟ عجبي ******************** واحد بيدعي و ربنا حقق له حلمه عايش بيحلم بالقمر بقى جنب منه بدل ما يحفظ نعمته و يصونها فرط في نعمة ربنا فأخدها منه عجبي **************** الحب احساس جميل يظهر بمليون دليل عيشُه بسعادة وكرامة يا تقضي عمرك ذليل عجبي ************************* كان فيه دويلة راعية الارهاب عايشة تمول اي فوضى وانقلاب فاحت ريحتها و انكشف أمرها غضبوا جيرانها و هددوها بالخراب عجبي