1 قولوا لصاحبكم اللي ساخط ع الزمان لا راضي عن الحاضر ولا اللي كان ارضى ياصاحبي يرضى عنك ربنا تسخط ؟ تزول النعمه من ايدك كمان وعجبي 2 الحلوة شايفة نفسها ملكة جمال حتى المرايه تقول لها جسمك غزال اتواضعي حبه يا سندريلا مش كدة فيه خلق م الجوع و الشقا صابها الهزال عجبي 3 لو يوم لقيت الزمن نازل عليك تلطيش كبر دماغك وجرب سياسة التطنيش تلقاه بسرعة اتعدل وفك تكشيرته وقال حقك علي ده كله كان تهويش عجبي 4 قاعد على القهوة بيشرب شاي واخته الصبيه شقيانة رايح جاي قابل بوضعك اللي مش محترم عايزنا نحترمك احنا ازاي عجبي 5 لا عاجبه حال البلد ولا هو عاجبنا ليله ونهارة بيكسر مجاديفنا مادمت كاره لعيشة بلادنا عايش هنا ليه؟يا عم فارقنا عجبي 6 هم البطالة انتشر يا حكومة شوفي حلول ما كل لاجئ عربي جه يشتغل على طول وابن البلد عاطل بيتبغدد مستني تعيينه بالذمة يا مصري دي تبقى اصول عجبي 7 يا شيخ يا ماسك سبحتك وتمللي قالب سحنتك كداب و كدبك اتفضح ازاي نصدق حضرتك عجبي 8 أي مراهق فاكر نفسه شنبه اتخط و خشِن حسه عايز يعمل خطط الدوله مش اولى يصرف على نفسه؟ 9 شكوى الزوج العربي كتير نكد الزوجة مع التكشير بس عايزها ازاي تتبسم مع ازواج إرضاءها عسير؟ 10 لي صديقة عايشة في قصر ناس حاسدينها ونازلين قر مش عارفين بحياتها الصعبة عايشة في كرب و شاربه المر 11 بنت فقيرة عايشه ف شقة 50 متر في حارة و زنقة اتقدم لها شيخ متريش يشتري قلبها ..قالت لأه 12 شاب بسيط و رقيق الحال قاعد يحلم حلم محال يغتني فجأه بلا مجهود من غير جهد في اي مجال عجبي 13 ودة دلوعة أمه و ابوه خايفين يتعب لو فطموه كبر الشاب و كون اسره عايشين عالة ع اللي جابوه عجبي