في السطور القادمة يمكنك متابعة ردود فعل المثقفين والكتاب والسياسيين والفنانين لحظة بلحظة، بدون أن تحتاج للبحث ورائهم في الفضائيات ، تعالوا نعرف كل ما كتبوه على تويتر في الساعات الماضية.. د. أيمن نور: المشهد داخل البرلمان مبهج رغم المنغصات، مقلق خارجه لوجود مجموعات التأمين من الإسلاميين، هل هذا اعتراف بنهاية الدولة وبداية زمن المليشيات؟! محمد الصاوي: ستكون هذه المرة الأخيرة - إن شاء الله - التي تلقي فيها المؤسسة العسكرية أي قرار في أي برلمان من البرلمانات القادمة. د.علاء الأسواني: الم يكن من الممكن أن يؤدى كل أعضاء مجلس الشعب اليمين الدستورية مرة واحدة بشكل جماعي بدلا من إضاعة يوم كامل في أداء القسم واحدا واحدا؟! بلال فضل: عن نفسي فخور بكل عضو منتخب أيا كان فكره أو شكله لأنه جه بإرادة الشعب اللي خرجت أهتف من سنة إنه يريد، خدنا إيه يعني من شياكة عز ورطانة الفقي. جلال عامر: النواب يعبرون عن نبض الشارع خصوصاً الحتة المتسفلتة وأنت داخل ع اليمين قدام الكوبري! عمر طاهر: معلش نطول بالنا شوية لسه البلد كلها في التليين .. ده إحنا هنتفرج فرجة! شريف عامر: لا اصدق ما يحدث.. إيييه .. دنياااا!! حمزة نمرة: السادة النواب عن محافظة الدقهلية... بدون توفيق عكاشة... مع تحيات الماسون الأعظم. علاء عبد الفتاح: اختيار الشعب مش وهم والحلفان بالولاء على دستور مؤقت مش كارثة ومش كل المنتخبين عقدوا صفقة واللي انتخب مش هيفهم كل ده غير بالتجربة. بثينة كامل: ليه كراسي مجلس الشعب فعنييا غرقانة دم؟ باسم فتحي: مين المزة اللي قاعدة فوق دي؟ من المعينين؟ طيب هو ليه 3 بس من المعينين أقسموا؟ إسراء عبد الفتاح: لا أجد مبررا للإضافة للقَسَم في مجلس الشعب وتسجيل مواقف إعلامية وأسجل اعتراضي وللأسف أعطاني انطباع لعدم احترام القانون. محمود عفيفي: هو صحيح الإخوان هتفوا أحمد عز فين الكتاتني اهو! نوارة نجم : الراجل الأمور اللي حلف ده قال: وان احترم الدستور والقانون بما يخالف شرع الله... انا برضه باقول كده ههههههههههههههههههههههههههههههههه! وائل خليل: سبعة وعشرين مليون اختاروا هؤلاء النواب وهذا البرلمان في انتخابات حرة ونزيهة لم تكن كذلك إلا لأن ثورة قد قامت- ومازالت مستمرة- مبروك علينا. د. هبة عزت: للمجالس النيابية آداب..فاحترموها..وهذا البرلمان دفعنا فيه دماء..فصونوها..وللشعب مطالب فأثبتوها. سلفيو كوستا: سيداتي آنساتي سادتي.. اللي كان واقف في البلكونة نقوله خليك واقف في البلكونة لحد ما النواب يخلصوا القسم!