حل الفنان أكرم حسني ضيفاً على برنامج "Sold Out" تقديم الإعلامي محمود سعد والذي تحدث خلاله عن العديد من التفاصيل الخاصة بحياته الشخصية والفنية. ومن أبرز التصريحات التي أدلى بها "أكرم حسني" أمنيته من أن يصبح فناناً منذ الصغر قائلاً: "وأنا صغير كنت حاسس أني عايز أبقى فنان، فنان بعمل ايه مش عارف بحب الفن بتشد للسينما والمسرح والأغاني وكل فلوسي كانت رايحة على الشرايط". وعن التعامل معه أثناء تصوير أعماله الفنية قال: "أنا صعب في شغلي لكن مبعلمش مشاكل بس بتدخل في الحدود بتاعتي يعني في أبو حفيظة كنت أنا اللي في الوجهة واللي بيتمدح أنا واللي بيتشتم أنا، ربنا عمره ما خذلني كل الحاجات اللي تعبت واشتغلت وبذلت فيها مجهود ربنا كرمني جداً". أما عن قرار طلاق زوجته قال أكرم "احنا لما لقينا نفسنا مش مستريحين مفيش عيوب كبيرة بس احنا مش متفاهمين قعدنا مع بعض واتكلمنا وبمنتهى الاحترام انفصلنا الناس الطيبين بيمشوا باحترام وروبا بنتي كان عندها 12 سنة وياسين 9 سنين". وتطرق أكرم حسني عن النجوم الذين يحلم بالعمل معهم موضحاً "عندي حلم اشتغل مع إسعاد يونس الست دي أنا بشوفها طاقة فنية وطاقة بهجة هي صاحبة السعادة فعلاً، ونفسي اشتغل معاها بجد". وعن علاقته بالوسط الفني قال :"أنا من مواليد 74 يعني عندي 48 سنة بسمع أغاني من وأنا عندي 7 سنين واتربيت على محمد منير وحميد الشاعري، وعبدالحليم وأم كلثوم".
