دشن عدد من نشطاء موقع التواصل الاجتماعى "فيس بوك" ايفينت حمل اسم" انتفاضة مترو الغلابة" ردًّا على قرار حكومة الانقلاب برفع أسعار المترو شريان المواصلات العامة بمصر. وقال المنظمون: "ندعو لوقفة سلمية على أرصفه محطات المترو في نفس اليوم التي تعلن فيه الحكومة تطبيق قرارها بزيادة سعر التذكرة ، هننقل الغضب من الصمت للشواراع بشكل سلمي بنقولها اهو (سلمي) عشان البيه الأمنجي اللي هايتدخل في وسطنا !". وأضافوا: "لما الغلاء يوصل لسعر تذكرة المترو يعني انت مش بتنقذ الفقير من فقره ... لا انت كمان بتمنعه من انه يتحرك من خلال أرخص وسيلة مواصلات في مصر ( مترو الغلابة ) , يبقي لازم ننزل نهتف بعلو الصوت لا لغلاء الاسعار علي الغلابة ارفعوا الدعم وغلوا الاسعار علي الاغنياء .. ولا الغلبان مالوش مكان في مجتمعكم الرأسمالي؟!! ليه الغلبان هو اللي بيدفع تمن جشع الانظمة . وأشاروا الى أن المهندس هانى ضاحى وزير النقل فى حكومة الإنقلاب، قال:، أنه تم إرسال مقترحين لمجلس الوزراء، لزيادة سعر تذكرة المترو، الأول يشمل تقسيم الخطوط إلى محطات، والثانى زيادة سعر التذكرة بشكل موحد، لافتا إلى أن تكلفة سعر التذكرة الفعلية للمترو 25 جنيها". وأضاف : "هذا المرفق خسر العام الماضى حوالى 180 مليون جنيه، بسبب تكاليف التشغيل والصيانة"، مستطردا: "هل ممكن تسيب هذا المرفق يضيع كده.. المرفق يحتاج للتطوير". !! وأكد النشطاء أنهم ليسوا مسئولين عن خسارة الشركة 180 مليون جنيه لأن أولا : "أكيد الدولة كانت عاملة خطة وميزانية للمترو بحيث يكون وسيلة مواصلات مريحة للفقير والطبقه المتوسطه وفي نفس الوقت متخسرش" . وتابعوا: "لو حضرتك بتتكلم عن خسارة شركة ممكن اقول لحضرتك ممكن تكون خسرت بنفس الشكل اللي خسرت فيه 98 شركة قبل كده علشان يتم خصخصتهم بعد عملية المديونية الممنهجة .. احنا خسرنا 98 شركة من شركات القطاع العام في فيروس الخصخصة الذي أصاب الدولة فجعلها تأكل في فقراء الوطن حتي ثار الشعب وعبر عن انحيازه للعدل الاجتماعي في 25 يناير " وأوضحوا أن المشكلة التي طرحها سيادة الوزير هي تطوير محطات المترو " وعلشان كده لازم الغلبان يدفع فاتورة التطوير ... احنا موافقين يتعمل صندوق لتطوير خطوط المترو وكل مصري يدفع جنيه ونطور المرفق لكن هترفع سعر التذكرة هيفضل الأغلبية من المصريين بيعانوا من زيادة السعر إلى أن تحدث ثورة جديدة . وقالوا: "نحن شباب مصر ، احنا أولاد الناس الغلابة وهندافع عن حقوقنا وحقوق أهلنا بشكل سلمي ومتحضر ، انتم طرحتم مشكلة واحنا بنطرح حلول لكن مش هنسمح ان يكون الحل انك تجوع عيالي" رابط الفيديو https://www.facebook.com/events/332038896984582/