حسم جمال علام، رئيس الاتحاد المصري لكرة القدم الجدل حول الأنباء التي ترددت في الساعات الماضية بشأن خروج إبراهيم عادل، جناح الفريق الأول لكرة القدم بنادي بيراميدز من معسكر المنتخب الأولمبي من أجل المشاركة مع فريقه في مباراتي الاتحاد السكندري والأهلي في بطولة الدوري الممتاز. وقال جمال علام، في تصريحات لبرنامج «اللعيب»، المذاع عبر فضائية «إم بي سي مصر»: «أنا النهاردة استحملت كلام كتير جدًا ناس كتير جدًا بتتكلم كلام غير حقيقي». وأضاف: «أنا قررت أوضح أن اتحاد الكرة ليس طرفًا في اتفاقات مع الأندية في أي أمور تخص اللاعبين، كل اللي بهمني إن اللاعبين يكونوا موجودين في المنتخب الأولمبي عندنا التزام، يجب أن نكون جميعًا مستعدين له». وواصل: «الحمدالله اتحاد الكرة محضر كل الواجبات اللي عليه اتجاه المنتخب الأولمبي سواء المعسكرات أو حقوق اللاعبين، كل شيء جاهز وأنهينا كل اجراءات السفر». وتابع: «الخلاف اللي حصل دلوقتي كل واحد بيتكلم يقول حصل اتفاق عشان لاعبي بيراميدز، لم يحدث بينا اتفاق مع أي نادي أنا لم اتفق مع أي حد ولم أتواصل مع أي نادي». وأكمل:«احنا شكرنا كل رؤساء الأندية المصرية وكل الجهات التي تعاونت، لأن في النهاية احنا نعمل على تهيئة الأجواء للجهاز الفني، عايز يحقق إنجاز هو والجيل اللي واحنا كلنا وراه». وأتم:«أنا لا أشكك في وطنية أي حد مصري لازم كلنا نقف وراء المنتخب ونسبنا من الكلام اللي بيأخرنا كتير وميقدمناش ونساعد المنتخب وندعمه باللاعبين الموجودين».
