هنأ الرئيس عبد الفتاح السيسي قداسة البابا والأقباط بمناسبة عيد الميلاد المجيد وافتتاح كاتدرائية ميلاد المسيح بالعاصمة الإدارية الجديدة. جاء ذلك، خلال الزيارة التي قام بها للكاتدرائية الجديدة مساء اليوم. وقال الرئيس: "اسمحولي إني أقولكم وأقول لقداسة البابا كل عام وأنتم بخير"، مضيفا "أهنئكم بافتتاح جزء من الكاتدرائية". وتابع "الافتتاح ده رسالة كبيرة فهي رسالة سلام للعالم كله. بنقدم نموذج للمحبة والسلام، وتخرج المحبة السلام من مصر. عمر الشر والخراب والقتل ما يقدر يهزم الخير والسلام والمحبة والإيمان". وأكد "أحب الناس تشوف المحبة والفرحة، احنا واحد وماحدش يقدر يقسمنا أبدا وهي رسالة تانية. مبسوط إننا موجودين وأنتوا فرحانين .. بشكركم على حفاوة الاستقبال وتحيا مصر بيكم". واخاتم: "ماحدش هيقدر على مصر طول ماهي كده، اللي عاوز يؤذينا يفرق ما بينا. كل سنه وأنتم طيبين وعيد سعيد عليكم".